काठमाडौं । प्रमुख प्रतिपक्षी नेकपा एमालेले प्रतिनिधि सभामा 'स्थगन प्रस्ताव' पेस गरेकाे छ ।
साेमबार बसेकाे प्रतिनिधि सभा बैठकमा एमालेका प्रमुख सचेतक विशाल भट्टराईले स्थगन प्रस्ताव पेस गर्नुभएकाे हाे । भट्टराईले 'अत्यन्त जरुरी सार्वजनिक महत्वकाे विषयमा छलफल गर्न आजकाे बैठककाे कार्यक्रम स्थगन गरियाेस् भन्ने प्रस्ताव पेस गर्नुभएकाे हाे ।'
सदनकाे चालु कार्यसूचीलाई स्थगित गरेर मलकाे विषयमा छलफल गर्न प्रस्ताव पेस गरिएकाे भट्टराईले बताउनुभयाे ।
सचेतक भट्टराईकाे प्रस्तावमा एमालेका १५ सांसद्ले बजेटमाथिको छलफल स्थगन गर्दै रासायनिक मलको बारेमा छलफल गर्न माग राख्दै आज नै प्रतिनिधि सभामा स्थगन प्रस्ताव दर्ता गराएका थिए । स्थगन प्रस्ताव प्रतिनिधि सभाबाट बहुमतले स्वीकृत भएकाे छ । साे प्रस्तावमाथि छलफल सुरु भएकाे छ ।
