काठमाडाैं । नेपाल मजदुर किसान पार्टीका सांसद् प्रेम सुवालले अमेरिकाले प्रस्ताव गरेकाे स्टेट पार्टनरसीप प्रोग्राम (एसपीपी) सम्झौताबारे सदनलाई जानकारी गराउन माग गर्नुभएकाे छ ।
मंगलबार बसेकाे प्रतिनिधि सभा बैठकमा बाेल्दै सांसद् सुवालले साे सम्झाैताका लागि अमेरिकाले प्रस्ताव गरेकाे १० बुँदे मस्याैदाबारे सदनलाई जानकारी गराउन सरकारसँग माग गर्नुभयाे । यसअघि एमसीसी सम्झौता सैन्य मोर्चा भनेर आफूहरुले सदनमा विरोध गर्दा अमेरिकी सेना कसरी आउँछ भनेर भनिएकाे भन्दै उहाँले अहिले अमेरिकी सेना बराेबर नेपाल आइरहेकाे बताउनुभयाे ।
'अहिले अमेरिकी सेना बरोबर नेपाल आइरहेको र १० बुँदामा नेपाली सेना र नेपाली सेनाला सही छाप गराउने तयारी गरेको छ, त्यसमा नेपाली सेनाको ब्यारेक अमेरिकी सेनाले प्रयोग गर्ने, नेपाललाई समेटेर अमेरिकाले बजेट बनाइसकेको, नेपालकाे गाडी र हल्का बायुवान प्रयोग गर्ने, सरकारकाे स्वामित्वमा जमिन प्रयाेग गर्ने, उत्तरी क्षेत्रमा सैन्य अभ्यास गर्ने, घातक सैन्य सामग्री ल्याउने,कर छुट दिने र प्रधानसेनापति ज्यूकाे भ्रमणमा सो बुँदामा सही छाप गराइने र देउवालाई समर्थन गराइने भन्न् कुरा आएको छ, के हो ?'- सुवालकाे प्रश्न छ । यसमा एमाले सरकारका मन्त्री पनि संलग्न भएकाे भनिएकाे पनि सुवालकाे आराेप छ ।
सुवालले अर्थमन्त्रालयमा छिरेकाे भनिएकाे सिएधारी व्यक्तिकाे परिचय नखुलाएकाे भन्दै त्यसबारे पनि पनि जानकारी गराउनु माग गर्नुभयाे ।
