काठमाडाैं । नेकपा एमालेका सांसद् सूर्यप्रसाद पाठकले स्टेट पार्टनरसीप प्रोग्राम (एसपीपी) सम्झौतामा हस्ताक्षर गर्न लागेकाे हाे भन्दै प्रश्न उठाउनुभएकाे छ ।
मंगलबार बसेकाे प्रतिनिधि सभा बैठकमा परराष्ट्र मन्त्री डा.नारायण खड्काले जवाफ दिएपछि त्यसमा स्पष्टिकरण साेध्दै सांसद् पाठकले भन्नुभयाे - 'अमेरिकाले लामाे समयदेखि प्रस्ताव गरेकाे स्टेट पार्टनरसीप प्रोग्राम (एसपीपी) सम्झौतामा नेपालले हस्ताक्षर गर्न लागेकाे हाे परराष्ट्र मन्त्री ज्यू ? प्रष्ट जवाफ चाहियाे ।'
प्रधानमन्त्री शेरबहादुर देउवा र प्रधानसेनापति प्रभुराम शर्माकाे अमेरिका भ्रणबाट सत्ता गठबन्धनकै सांसद् शंका व्यक्त गरेका भन्दै सांसद् पाठकले प्रधानमन्त्री र प्रधानसेनापतिकाे भ्रमण रद्धबारे गठबन्धन सरकारणकाे धारणा सार्वजनिपक गर्न माग गर्नुभयाे ।
