काठमाडौं । प्रतिनिधि सभा सदस्य राजेन्द्र लिङ्देनले सरकारले हरेक काममा हतारो गरेर देशलाई अप्ठेरोमा पारेको बताउनुभएको छ । बुधबार प्रतिनिधि सभा बैठकमा बोल्दै सांसद लिङ्देनले एमसीसी सम्झौताका पछि अरू कुरा पनि ताँती लागेर आउने भ्रम फैल्याउने काम भएको बताउनुभयो । एमसीसी हतार गरेर पास गर्दा त्यसको पछि अनेक समस्या ताँती लागेर आएको लिङ्देनले बताउनुभयो । उहाँले सरकारले निरन्तर गल्ती दोहोर्याएको बताउनुभयो । ‘सरकार त्यो अभिभावक हो, जसले देशमा कुनै पनि प्रकारको संकट आउन दिँदैन, देशमा आउने अप्ठेरोको सबै सामना गर्छ, उसबाट देशलाई कुनै अप्ठेरो हुने कुनै कुरै हुँदैन भनेर मानिने निकाय किन सधैँ देशलाई अप्ठेरो पार्ने कुरामा अगाडि सर्छ ?’ उहाँले प्रश्न गर्नुभयो । लिङ्देनले देशलाई अप्ठेरो पार्ने खालका सबै क्रियाकलाप अविलम्ब रोक्न माग गर्नुभयो । केही समयमा निर्वाचनको मिति घोषणा हुने भएकोले निर्वाचनलाई स्वतन्त्र बनाउन स्वतन्त्र चुनावी सरकार गठन गर्न उहाँले माग गर्नुभयो । ‘निर्वाचनलाई स्वतन्त्र, निष्पक्ष र धाँधली रहित बनाउनको निम्ति स्वतन्त्र चुनावी सरकार गठन होस्’, उहाँले माग गर्नुभयो । लिङ्देनले सरकारको केटाकेटी क्रियाकलापको निन्दा गर्नुभयो । असंलग्न परराष्ट्र नीतिमा प्रभाव पार्ने सबै खालका क्रियाकलाप रोक्न उहाँले माग गर्नुभयो ।
राजेन्द्र लिङ्देनको प्रश्न : सरकार किन देशलाई अप्ठेरोमा पार्ने काम गर्छ ?
काठमाडौं । प्रतिनिधि सभा सदस्य राजेन्द्र लिङ्देनले सरकारले हरेक काममा हतारो गरेर देशलाई अप्ठेरोमा पारेको बताउनुभएको छ । बुधबार प्रतिनिधि सभा बैठकमा बोल्दै...
SUNRISE KHABAR
1 min read
