काठमाडौं । कानुन, न्याय तथा संसदीय मामिलामन्त्री गोविन्दप्रसाद शर्माले अमेरिकाबाट स्टेट पार्टनरसिप प्रोग्राम (एसपीपी) सम्झाैताको प्रस्ताव नआएको दाबी गर्नुभएकाे छ ।
बुधबार बसेकाे प्रतिनिधि सभा बैठकमा कानुन मन्त्रालय अन्तर्गत सांसद्ले उठाएका प्रश्नको उत्तर दिने क्रमममा मन्त्री शर्माले अमेरिकाबाट एसपीपीको प्रस्ताव नआएको र सरकारले पनि एसपीपीकाे प्रस्ताव नगरेकाे दाबी गर्नुभयाे ।
सरकारलाई बदनाम गराउन साे विषय निकालिएकाे दाबी गर्दै उहाँले भन्नुभयाे - 'नेपाल सरकारले कुनै पनि स्टेट पार्टनरसिप प्रोग्रामका लागि इन्भाइट गरेको छैन, प्रस्ताव राखेको छैन, हामीकहाँ प्रस्ताव आएको छैन,यो कुरा झुटा हो; सरकारलाई बदनाम गराउने खेल मात्रै हो ।' एसपीपीलाई लिएर भ्रममा नपर्न आग्रह गर्दै मन्त्री शर्माले भन्नुभयाे - 'एसपीपी कहिँकतै आएको छैन, वनको बाघले होइन मनको बाघले नखाओस्, ।'
नेपालको अनुमतिबिना अमेरिकी सेना आउनै नसक्ने बताउँदै उहाँले भन्नुभयाे - 'अमेरिकी सेना नेपाल आउने कुरा कल्पना गर्न नसकिने कुरा हाे, नेपालको इजाजतबिना कहिले पनि आउन सक्दैन, धेरै सन्धि सम्झौताले राज्य-राज्यको सम्बन्धबारे यसको व्याख्या गरेको छ ।'
