काठमाडाैं । नेकपा एमालेका सांसद् प्रदीप विश्वकाे सर्वाेच्च शिखर सगरमाथा अरु देश विरुद्ध प्रयाेग भएकाे विषयमा सरकारकाे ध्यानाकर्षण गराउनुभएकाे छ ।
बुधबार बसेकाे प्रतिनिधि सभा बैठककाे सुरुमै समय लिएर बाेल्दै एमाले उपमहासचिव समेत रहनुभएका सांसद् ज्ञवालीले सगरमाथालाई पनि रणमैदानको थलो बनाउन खोजिएको भन्दै आपत्ति जनाउनुभयाे । रुसका एक जना आरोहीले सगरमाथाबाट एउटा देशकाे विरुद्ध झण्डा उचाल्ने काम भएकाे भन्दै उहाँले आपत्ति जनाउनुधयाे ।
रुसका पर्वतारोही तथा ब्लगर कात्या लिप्काले रुस-युक्रेन युद्धको विरोधमा सगरमाथामा युक्रेनको झण्डा प्रदर्शन तथा रुसी राष्ट्रपति पुटिनविरुद्ध प्लेकार्ड प्रदर्शन गरेकाे विषयमा उहाँले प्रश्न उठाउनुभयाे । 'सगरमाथा हाम्रो गौरव, हाम्रो पहिचान र हाम्रो एउटा सान हाे, तर त्यो ठाउँबाट एउटा देशको विरुद्ध झण्डा उचाल्ने काम भयो, के सगरमाथालाई पनि रणनीतिक मैदानको थलो बनाउन खोजिएको हो ?'-उहाँकाे प्रश्न छ
पर्यटन मन्त्रालय अन्तर्गतका निकायलाई के गर्न पाइन्छ वा पाईंदैन भन्ने थाहा नहुने दु:खद भएकाे बताउँदै उहाँले भन्नुभयाे - 'यो सरकारको बाह्य सम्बन्ध सञ्जालनको एउटा लज्जास्पद हर्कतकाे अर्काे अभिव्यक्ति हाे,यस्ता कुरा तत्काल बन्द गरियाेस् ।'
