यकाठमाडाैं । राष्ट्रिय सभा सदस्य दिलकुमारी रावलले अमेरिकी स्टेट पार्टनरसिप प्रोग्राम (एसपीपी) का विषयमा नेकपा एमालेलाई अनावश्यक रुपमा मुछिएकाे भन्दै कडा आपत्ति जनाउनुभएकाे छ ।
शुक्रबार बसेकाे राष्ट्रिय सभा बैठककाे विशेष समयमा बाेल्दै सांसद् रावलले एसपीपी विषयमा एमालेलाई जाेडेर भ्रम नफैलाउन सरकारकाे ध्यानाकर्षण गराउनुभयाे ।एसपीपीमा एमाले र एमालेका अध्यक्ष केपी शर्मा ओलीमाथि प्रहार गर्नुभन्दा सत्यतथ्य छानबिन गर्न चुनाैती दिनुभयाे ।
'राष्ट्र राष्ट्रियता,सार्वभाैमसत्ता, भाैगाेलिक अखण्डता र देशप्रेमकाे मामलामा एमाले र एमालेका अध्यक्ष केपी शर्माओलीकाे त्याे अविचलित अडानप्रति चिढेर अहिलेपनि उहाँकाे निष्ठामाथि प्रश्न गर्ने र आक्रमण गर्ने प्रयास भइरहेकाे छ'- रावलकाे भनाइ छ । एसपीपी सम्झाैता कुनै पनि हालतमा स्वीकार्य छैन भन्ने कुरा एमालेले प्रष्ट रुपमै भनिसकेकाे उहाँले स्मरण गराउनुभयाे ।
एसपीपीबारे १० बुँदे सम्झाैताबारे प्रष्ट पार्न पनि माग गर्नुभयाे । सरकारले एसपीपीसँग सम्झाैता भएकाे हाेइन भन्ने,नेपाली सेनाले सम्झाैता गरिएकै छैन भन्ने, अमेरिकी दूतावासले सम्झाैता भइसकेकाे हाे भन्ने र फेरि सेनाकाे पत्र सार्वजनिक हुनुले धेरै आशंका फैलाएकाे भन्दै उहाँले यसबारे सत्यतथ्य बाहिर ल्याउन सरकारसँग माग गर्नुभयाे ।
सेनाकाे चिठी सार्वजनिक भएपछि केपी ओलीकाे पालामा भएकाे भनेर भ्रम फैलाइएकाे बताउँदै उहाँले भन्नुभयाे - 'पहिले याे भएकै छैन भनेर सरकारबाट आयाे, सेनाबाट आयाे,अमेरिकी दूतावासले पनि हाेइन भन्याे,नेपालकाे अनुराेध हाे भनेर फेरि दूतावासबाटै पत्र बाहिर आएकाे छ, विराेधाभासपूर्ण धारणा सार्वजनिक भएकाे छ, हाेइन भन्ने सत्ताधारीबाट केपी ओली प्रधानमन्त्री हुँदा भएकाे हाे भनेर आएकाे छ, मुलुक जाेगाउने एमालेकाे राष्ट्रवाद देखियाे भनेर एमालेमाथि प्रहार भइरहेकाे छ,भ्रम फैलाउने काम भएकाे छ ।' दुई राष्ट्रबीच कुनै सन्धि-सम्झाैता हुँदा श्रृंखलाबद्ध रुपमा पत्राचार हुने र तथ्यहरु सम्बन्धित हुने बताउँदै उहाँले भन्नुभयाे - 'केपी ओलीमाथि लाञ्छना लगाउनुभन्दा सत्यतथ्य के हाे ? स्पष्ट हाेस् ।'
अमेरिका भ्रमणमा जानुअघि सदनमा आएर जवाफ दिन प्रधानमन्त्री शेरबहादुर देउवालाई आग्रह गर्नुभयाे । 'केपी ओलीमाथि किन लगातार आक्रमण भइरहेकाे छ ? तथ्य के हाे ? सत्यतथ्य के हाे ? प्रधानमन्त्रीबाट जवाफ आहाेस्, हाम्राे राष्ट्रियता र परराष्ट्र सम्बन्ध डगमगाउन नदिनेगरी जवाफ दिनुहाेला ।'
सांसद्ले उठाएका चासाे चासाे, टिप्पणी र जनजिविकाकाे सवालकाे सम्बाेधन हुन नसकेकाे भन्दै उहाँले राष्ट्र, राष्ट्रियता, परराष्ट्र मामिला, जनसरोकारका विषयमा सांसदहरुले उठाएका प्रश्नको जवाफ प्रधानमन्त्री शेरबहादुर देउवा र मन्त्रीहरुलाई दिने गरी रुलिङ गर्न अध्यक्ष गणेशप्रसाद तिमिल्सिनासँग माग गर्नुभयाे ।
शैक्षिक शत्र सुरु भएकाे २ महिना बितिसक्दा पनि विद्यार्थीले पुस्तक पाउन नसकेकाे भन्दै उहाँले त्यसतर्फ ध्यान दिन सरकारकाे ध्यानाकर्षण गराउनुभयाे । मनसुन सुरु हुनु अघिनै विपद् व्यवस्थापनका लागि गर्नुपर्ने तयारी समेत सरकारले नगरेको सांसद् रावलकाे भनाइ छ ।
सरकार सदनप्रति उत्तरदायि हुनुपर्नेमा त्यसाे हुन नसकेकाे बताउनुभयाे । राष्ट्र, राष्ट्रियता परराष्ट्रका विषयमा गम्भीर विषयहरु उठिरँदा सरकार निद्रामा रहेकाे भन्दै सांसद् रावलले आपत्ति जनाउनुभयाे । गठबन्धन जाेगाउने र राष्ट्रलाई कमजाेर बनाउने खेलमा सरकार लागेकाे बताउँदै उहाँले भन्नुभयाे - 'सरकार जनताप्रति जवाफदेही बनाेस्,राष्ट्रप्रति जवाफदेही बनाेस्, हामीले उठाएका संवेदनशील जतिपनि विषय छन्,ती विषयमा सरकारकाले स्पष्ट पार्ने काम गराेस् ।'
अनधिकृत व्यक्तिलाई सामेल गराएर बजेट निर्माण गरिएकाे विषयमा सरकारकाे ध्यान नजानु लज्जाजनक रहेकाे उहाँले बताउनुभयाे । प्रमुख प्रतिपक्षीले निरन्तर कुरा उठाउँदा,संसदीय समिति गठन गरेर सत्यतथ्य छानबिन गराैं भन्दा सरकारले खुट्टा कमाइरहेकाे सांसद् रावलले बताउनुभयाे ।
