काठमाडाैं । नेकपा एमाले संसदीय दलका नेता केपी शर्मा ओलीले बहुतै खतरनाक प्रक्रियाबाट आएकाे बताउनुभएकाे छ ।
साेमबार बसेकाे प्रतिनिधि सभा बैठकमा विशेष समय लिएर बाेल्दै एमाले अध्यक्ष ओलीले बजेट बहुतै खतरनाक प्रक्रियाबाट आएकाे बताउनुभयाे । बजेट निर्माणका क्रममा अनधिकृत मानिस प्रवेश गराएकाे घटना विश्वमा कहिँ नभएकाे उहाँकाे भनाइ छ ।
बजेट निर्माणका बेला अर्थसचिव देखि लिएर कर्मचारीहरु अर्थ मन्त्रालयबाट बाहिर जान नपाउने र करका दरबारे फैसला गर्ने रात त कहिँ जान नपाइने प्रावधान रहेकाे बताउँदै उहाँले भन्नुभयाे - 'बजेटका दर कति राख्याैं,तिमीहरुलाई कति-कति चाहिन्छ गजब छ,नीति कार्यक्रमले जुन अनिष्टतर्फ जाने संकेत गरेकाे छ त्याे त बजेट आएपछि प्रष्ट देखिन्छ भनेकाे थिएँ,नभन्दै बजेटमा देखियाे ।'
कुन कुन वस्तुको भन्सार दर घटाउने र बढाउने भन्ने निर्धारण गर्न बजेट बनाउने बेला ती व्यापारीका प्रतिनिधि राखेर गरिएको र व्यापारीको अनुहार बजेटमा झल्किएको अध्यक्ष ओलीले बताउनुभयाे । सरकारले ल्याएकाे बजेट देशकाे नभएर व्यापारीकाे भएकाे बताउनुभयाे ।
उहाँले भन्नुभयाे -'एउटै उद्याेगलाई भन्सारमा करमा छुट,अन्तशुल्क छुट,८ प्रतिशत छुट यी कुरा कसरी भए यस्तै यस्तै कुराले भरिएकाे छ बजेट,याे त देशकाे बजेट नै भएन,याे त व्यापारीकाे बजेट भयाे, २-४ घरानाकाे बजेट भयाे,यसमा घरानाका अनुहार देखिन्छन्, अनुहार हेरेर निश्चित घराना विशेषका लागि बजेट किन ल्याइयाे सम्माननीय प्रधानमन्त्री ज्यू ? यस्तो बजेट बनाउनका लागि अर्थमन्त्रालयका कर्मचारीहरु उनीहरुको भर परिएन बजेट बनाउदा केही रणनीति अन्तर्गत अनाधिृकत मानिसहरु राखेर बजेट बनाइएको छ ।'
मूल्य-मान्यतालाई ताेडेर बजेट ल्याइएकाे भन्दै उहाँले आपत्ति जनाउनुभयाे । अध्यक्ष ओलीले करका दर हेरफेर हेर्दा उद्योगीको अनुहार हेरिएकाे पनि बताउनुभयाे । एमालेले फुटेज माग्दा काे हाे एमाले भन्नु असंसदीय प्रक्रिया अहिले प्रतिपक्षले नै संसद् चलाएकाे भन्दै उहाँले एमालेका सांसद् नभए प्रतिनिधि सभामा काेरम नै नपुग्ने बताउनुभयाे ।
'एमाले काे हाे कसले माग्ने फुटेज ? फुजेट माग्दैमा दिइँदैन,यस्ता प्रतिक्रिया आए करका दर यसमा यस्ताे यसमा यस्ताे अनुहार देखिनेगरी बढाइयाे नि जानीजानी बढाएकाे हाे, गरिन्छ त्यस्ताे मैले गर्या हूँ गजब छ ।' अनधिकृत मानिस राखेर चिटिङ गरीगरी याेजनासाथ काम भएकाे अध्यक्ष ओलीले बताउनुभयाे । 'सदनमा प्रश्न उठेपछि जवाफ दिनुपर्छ कि पर्दैन ? सीसीटीभी सडकमा मकै पाेल्नेले मान्न पर्ने ? अर्थमन्त्रालय र अर्थमन्त्रीले मान्न नपर्ने ? काे हाे तिनीहरु सीसीटिभी मान्ने दिन्न भन्ने बेला त थियाे नि त, अनि डिलिट किन ?'- उहाँकाे प्रश्न छ ।
अर्थतन्त्रकाे अस्मितालाई लुट्ने काम अर्थमन्त्रीबाट भएकाेमा आपत्ति जनाउँदै उहाँले भन्नुभयाे - 'बाहिर र व्यापारीका प्रतिनिधि राखेर बजेट बनाइन्छ भने याे भन्दा अन्तर्राष्ट्रिय रुपमा लज्जाजनक विषय अरु के हुन्छ ? देशकाे अर्थतन्त्रलाई डामाडाेल पार्ने,देश माथिकै एउटा द्राेह हाे ।'
यसबारे सत्यतथ्य छानबिन समिति बनाएर छानबिन गर्न पनि अध्यक्ष ओलीले माग गर्नुभयाे । 'बहुतै गम्भीरतासाथ छानबिन समिति बनाएर,सत्यतथ्य देखिनेगरी छनबिन गरिनुपर्छ, हो एमाले साेध्ने हामीले गरेको स्वेच्छाचारिताविरुद्ध प्रश्न उठाउने एमाले काे हाे भनेर ललकार्ने ? प्रश्न उठेकाे छ, यसकाे सही सत्यतथ्य जवाफ समिति गठन गरेर, छानबिनकाे प्रतिवेदनसहित सार्वजनिक गरियाेस् ।'
