काठमाडौं । मदन भण्डारी विज्ञान तथा प्रविधि विश्वविद्यालय विधेयक, २०७६ प्रतिनिधि सभाबाट पारित भएको छ ।
साेमबार बसेकाे प्रतिनिधि सभा बैठकले मदन भण्डारी विज्ञान तथा प्रविधि विश्वविद्यालय विधेयक, २०७६ सर्वसम्मतिले पारित गरेकाे हाे । बैठकमा शिक्षा विज्ञान तथा प्रविधिमन्त्री देवेन्द्र पौडेलले मदन भण्डारी विज्ञान तथा प्रविधि विश्वविद्यालय विधेयक, २०७६ पारित गरियोस् भनि पेस गर्नुभएकाे थियाे । त्यसपछि सभामुख अग्निप्रसाद सापकाेटाले निर्णयार्थ पेस गर्नुभएकाे थियाे ।
योसँगै मदन भण्डारीको नाममा स्थापना हुन लागेको प्रविधि विश्वविद्यालय खाेल्न बाटाे खुलेकाे छ । यद्यपि साे विश्वविद्यालयले मानविकी, व्यवस्थापन र कानुन लगायत संकाय पढाउन पाउने छैन ।विधेयक पारित भएसँगै विश्वविद्यालयको नाम मदन भण्डारी यूनिभर्सिटी रहनेछ ।
बैठकमा प्रतिनिधि सभाका सचिव गोपालनाथ योगीले राष्ट्रिय सभामा उत्पत्ति भएका औषधी (तेस्रो संशोधन) विधेयक, २०७९, स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिलो संशोधन) विधेयक, २०७९ र रेल्वे विधेयक, २०७९ टेबुल गर्नुभयो ।
बैठकमा प्रधानमन्त्री शेरबहादुर देउवाको तर्फबाट उद्योग वाणिज्य तथा आपूर्ति मन्त्री दिलेन्द्रप्रसाद बडूले पेस गर्नुभएको राष्ट्रिय सभामा उत्पत्ति भएको 'नीति अनुसन्धान प्रतिष्ठान विधेयक, २०७६ लाई दफावार छलफलको लागि सम्बन्धित समितिमा पठाइयोस्' भन्ने प्रस्ताव बहुमतले स्वीकृत भएकाे छ ।
प्रधानमन्त्री शेरबहादुर देउवाको तर्फबाट उद्योग वाणिज्य तथा आपूर्ति मन्त्री दिलेन्द्र प्रसाद बडूले सरकारको आर्थिक वर्ष २०७७२०७८ को वार्षिक प्रतिवेदन पनि प्रतिनिधि सभामा पेस गर्नुभयाे ।
प्रतिनिधिसभाको आजको बैठकमा प्रधानमन्त्री शेरबहादुर देउवाको तर्फबाट उद्योग वाणिज्य तथा आपूर्ति मन्त्री दिलेन्द्र प्रसाद बडूले नेपालको संविधानको धारा ५३ एवं सुशासन (व्यवस्थापन तथा सञ्चालन) ऐन, २०६४ को दफा
बैठकमा प्रतिनिधि सभाका सचिव श्री गोपालनाथ योगीले प्रतिनिधि सभामा उत्पत्ति भएका विनियोजन विधेयक, २०७९ , आर्थिक विधेयक, २०७९, राष्ट्र ऋण उठाउने विधेयक, २०७९ तथा ऋण तथा जमानत (२५औं संशोधन) विधेयक, २०७९ विधेयकका सम्बन्धमा राष्ट्रिय सभाबाट प्राप्त सन्देशबारे जानकारी गराउनुभएकाे थियाे ।
बैठकमा कानुन, न्याय तथा मानव अधिकार समितिका सभापति कृष्णभक्त पोख्रेलले 'फौजदारी कसुर तथा फौजदारी कार्यविधि सम्बन्धी केही ऐन संशोधन गर्ने विधेयक सम्बन्धी समितिको प्रतिवेदन, २०७९' ,तेजाब तथा अन्य घातक रासायनिक पदार्थ (नियमन) विधेयक सम्बन्धी समितिको प्रतिवेदन, २०७९ पेस गर्नुभयो ।
राज्य व्यवस्था तथा सुशासन समितिका ज्येष्ठ सदस्य श्री मुकुन्द न्यौपानेका तर्फबाट सांसद देवेन्द्र राज कँडेलले 'सामाजिक सुरक्षा (पहिलो संशोधन) विधेयक सम्बन्धी समितिको प्रतिवेदन, २०७९' बैठकमा पेस गर्नुभयाे ।
प्रतिनिधि सभाको अर्को बैठक यही असार २२ गते बुधवार बिहान ११ बजे बस्नेगरी स्थगित भएकाे छ र
