अर्थमन्त्रीको राजीनामा वा बर्खास्त एमालेको बटमलाइन : योगेश भट्टराई

काठमाडौं । नेकपा एमालेका सांसद् याेगेश भट्टराईले अर्थमन्त्री जनार्दन शर्माकाे नियत खराब छ भन्ने प्रष्ट देखिएकाले तत्काल छानबिन हुनुपर्ने बताउनुभएकाे छ ।

संघीय संसद् भवन परिसरमा बुधबार सञ्चारकर्मीसँग कुरा गर्दै सांसद् भट्टराईले अर्थमन्त्री शर्मा पदमा रहिरहन नमिल्ने बताउनुभयाे । अर्थमन्त्रीकाे राजीनामा वा बर्खास्त एमालेकाे बटमलाइन रहेकाे बताउनुभयाे । 'हाम्राे बटमलाई अब अर्थमन्त्री पदमा रहन मिल्दैन,

अनधिकृत व्यक्तिलाई अर्थ मन्त्रालयमा प्रवेश गराएर करकाे दायर हेरफेर गर्ने कुरा गम्भीर अपराध भएकाे बताउँदै भट्टराईले भन्नुभयाे - 'हामीले भनेका छाैं- याे घटना छानबिन गर्न संसदीय छानबिन समिति गठन हुनुपर्छ, किनकी पछिल्लाे दिनमा सरकारी सूचना गायब बनाइएकाे छ,सीसीटिभी फुटेज लुकाइएकाे छ,अर्थमन्त्रीकाे नियत खराब छ भन्ने प्रष्ट देखिन्छ,उहाँले अपराध गर्नुभएकाे छ भन्ने प्रष्ट देखिन्छ,त्यसैले यसमा छानबिन हुनुपर्छ ।'