काठमाडौं । नेकपा एमालेका सांसद् शेरबहादुर तामाङले नागरिकता विधेयक फिर्ता लिने सरकारकाे निर्णयकाे विराेध गर्नुभएकाे छ ।
शुक्रबार बसेको प्रतिनिधि सभा बैठकमा बाेल्दै सांसद् तामाङले नागरिकता विधेयक फिर्ता लिएर सरकारले भ्रूण हत्या गरेकाे बताउनुभयाे । 'भर्खरै अहिले फौजदारी घटना घट्यो कि जस्तो लाग्यो, मन्त्रीज्यूले नागरिकता विधेयक फिर्ता लिनुभयो, नजन्मिँदै भ्रूण हत्या भयो, नागरिकता कानुनको हत्या भयो, गर्भपतन भा छ भर्खर त्यो नगरियोस्, जन्मिन दिउँ ।'
३ वर्ष समितिमा छलफल भएर पारित हुने स्थितिमा रहेकाे विधेयक फिर्ता नलिन उहाँले पटक-पटक आग्रह गर्नुभयाे । अन्तिम अवस्थामा विधेयक फिर्ता लिन नहुने भन्दै सांसद तामाङले अब फेरि ल्याउँदा शून्यबाट सुरु गर्नुपर्ने अवस्था आउनेतर्फ तामाङले सचेत गराउनुभयाे ।
अहिलेकाे संसद् नागरिकता विधेयक पास नगर्ने समेत उहाँले बताउनुभयाे ।
