काठमाडौं । प्रतिनिधि सभा सदस्य नवराज सिलवालले पाँच दलीय सत्ता गठबन्धन विस्तारै वित्तीय लाभको गठबन्धनको रूपमा परिणत हुँदै गएको बताउनुभएको छ । सोमबार प्रतिनिधि सभा बैठकमा बोल्दै सिलवालले मुलुकको इतिहासमा नै अहिलेको गठबन्धन कलङ्कित शासक बनेको बताउनुभयो । कर राजश्वको दरमा अनियमितता गरेर सरकार बदनाम भएको उहाँले बताउनुभयो । अर्थ मन्त्रीले राजीनामा दिएर बाहिरिँदा गर्दा ८४ करोड रुपैँया रकमान्तरण गरेर हतियार किन्न लागेको भन्दै उहाँले आलोचना गर्नुभयो । देशको अर्थतन्त्र तहसनहस भएको अवस्थामा सरकारले हतियार खरिदका नाममा रकम खर्च गर्न लागेको उहाँले बताउनुभयो । ‘हतियार खरिद गर्ने नयाँ लाभ कमाउने योजना सरकारले ल्याएको छ, यसको नेकपा एमाले विरोध गर्दछ’, उहाँले भन्नुभयो । जति बेला राजनीतिक शक्तिमा रहने व्यक्ति र विचौलीयालाई पैसा चाहिन्छ त्यति बेला नेपाल प्रहरीलाई हतियार किन्ने चलखेल हुने गरेको उहाँले बताउनुभयो । यस भन्दा अगाडि पनि बिचौलियाले खडा गरेको फाइलमा प्रहरीका सामान किनेर प्रहरी अधिकारीलाई फसाउने काम गरिएको भन्दै उहाँले आलोचना गर्नुभयो । नेपाल प्रहरीलाई अहिले हतिया नचाहिएको भन्दै उसलाई प्रविधि र पूर्वाधार जरुरी रहेको सिलवालले बताउनुभयो । ‘नेपाल प्रहरीलाई अहिले ब्यारेक चाहिएको छ, नेपाल प्रहरीलाई अहिले प्रविधि चाहिएको छ’, उहाँले भन्नुभयो । नेपाल प्रहरी समाजमा बसेर समुदायको सेवा गर्ने निकाय भएकोले हतियार प्रहरीलाई जरुरी नरहेको उहाँले बताउनुभयो । सरकारमा बसेकालाई कमिसन चाहिएकोले हतियार किन्ने कुरा आएको उहाँले प्रष्ट पार्नुभयो । अहिले सरकार किन्ने भनिएको हतियारको मूल्य सरकारले छुट्याएको रकमको आधा मूल्य पनि नपर्ने उहाँले जिकिर गर्नुभयो ।
नेपाल प्रहरीलाई हतियार होइन ब्यारेक र प्रविधि चाहिएको छ : नवराज सिलवाल
काठमाडौं । प्रतिनिधि सभा सदस्य नवराज सिलवालले पाँच दलीय सत्ता गठबन्धन विस्तारै वित्तीय लाभको गठबन्धनको रूपमा परिणत हुँदै गएको बताउनुभएको छ । सोमबार...
SUNRISE KHABAR
1 min read
