काठमाडौं । नेकपा एमालेका सांसद् कृष्णभक्त पोखरेलले अवैध धनलाई वैध बनाउन र माफियालाई कर छुट दिन नमानेबापत गभर्नर महाप्रसाद अधिकारीकाे विराेध गरिएकाे बताउनुभएकाे छ ।
बुधबार बसेकाे प्रतिनिधि सभा बैठककाे शून्य समयमा बाेल्दै सांसद् पाेखरेलले अर्थ मन्त्रालयकाे भ्रष्टाचार लुकाउन विषयान्तर गरेर गभर्नरकाे विराेध गरिएकाे बताउनुभयाे । अनधिकृत व्यक्तिलाई राखेर करका दरहेरफेर गरेपछि राजीनामा दिएका पूर्व अर्थमन्त्री जनार्दन शर्माकाे असक्षमता ढाकछाेप गर्न सत्तापक्षले गभर्नरकाे विषय जबरजस्ती उठाएकाे उहाँकाे भनाइ छ ।
अर्बौं रुपैयाँ अवैध सम्पत्तिलाई वैध बनाउन गठबन्धन सरकारले दिएको निर्देशन नमान्दा र माफियालाई कर छुट नदिएबापत गभर्नर निलम्बन गर्दा पनि नसकेर आफ्ना सांसद्मार्फत सदनमा अनावश्यक कुरा उठाउन लगाइएकाे सांसद् पाेखरेलले बताउनुभयाे ।
'अवैध अर्बाैं रुपैयाँलाई वैध बनाउन गठबन्धन सरकारले दिएकाे आदेश नमान्दा श्रीलंका हुने रहेछ भन्ने माननीयहरुकाे बुझाइ हाे भने त्यस्ताे बुझाइप्रति हाम्राे दयाभाव बाहेक अरु केही रहन सक्दैन, माफियाहरुलाई कर छुट दिन नमानेबापत वा गभर्नर जस्ताे संवेदनशील पदलाई निलम्बन गर्ने अनि अहिले आफ्ना सांसद्लाई सदनमा उठाएर अर्थमन्त्रालयकाे भ्रष्टाचारलाई विषयान्तर गर्नु आपत्तिजनक छ'-उहाँले भन्नुभयाे ।
स्वयंम महाप्रसाद गभर्नर अधिकारीले आफू कुनै पार्टीमा छैन भनि वक्तव्य दिइसकेकाे अवस्थामा साे विषय सदनमा उठाउनुभएकाे कुनै औचित्य नभएकाे पनि सांसद् अधिकारीले बताउनुभयाे । 'एम अधिकारी भन्ने व्यक्ति एमालेको अर्थ विभागमा रहेको र उहा गभर्नर हो भनी सत्ता पक्षका सांसद्हरु अर्थ मन्त्रालयको असक्षमता लुकाउनका लागि विषयान्तर गरी मनाेगत भावना राखेकाे देख्या दयाभाव लागेकाे छ,स्वयंम महाप्रसाद गभर्नर अधिकारीले पार्टीमा छैन भनि वक्तव्य दिइसकेकाे विषय संसद्मा उठाउन आवश्यक छैन,मिल्ने विषय पनि हाेइन ।'
