एसपीपी सम्झौता नगर्ने पत्र लेखियोस्, एमसीसीको बारेमा पनि धारणा बुझियोस् : नारायणकाजी श्रेष्ठ | Sunrise Khabar

काठमाडौं । राष्ट्रिय सभा सदस्य नारायणकाजी श्रेष्ठले सरकारले एसपीपीलाई अघि नबढाउने विषयमा अझै पत्र नलेखेको भन्दै आलोचना गर्नुभएको छ । बिहीबार राष्ट्रिय सभा बैठकको विशेष समयमा बाल्दै श्रेष्ठले अमेरिकालाई त्यस विषयको पत्र तत्काल लेख्न आग्रह गर्नुभयो । ‘सरकारले निर्णय गरिसकेपछि मन्त्रीपरिषद्लेको निर्णयलाई कार्यान्वयन गर्ने दिशामा परराष्ट्र मन्त्रालयले कुटनैतिक पत्राचार गर्ने हो, यो बारेमा गम्भीरतापूर्वक पत्र लेख्ने काम तत्काल गर्न म सरकारलाई विशेष अनुरोध गर्न चाहन्छु’, उहाँले भन्नुभयो । १२ बुँदे व्याख्यात्मक घोषणा सहित एमसीसी अनुमोदन भएको पनि उहाँले स्मरण गराउनुभयो । अहिलेसम्म सो घोषणाको बारेमा अमेरिकाले कुनै प्रतिक्रिया नजनाएको भन्दै त्यसमा माओवादी केन्द्रको गम्भीर ध्यानाकर्षण भएको उहाँले बताउनुभयो । एमसीसीको अनुमोदन गर्दा गरेको व्याख्यात्मक घोषणको बारेमा अमेरिकाको धारण बुझ्न पत्र लेख्नु पनि सरकारसँग माग गर्नुभयो । श्रेष्ठले चुनावको खर्च कुनै पनि विदेशी निकायसँग निर्वाचन आयोगले सोझै सम्झौता गरेर लिन नहुने बताउनुभयो । त्यस्तो सहयोग लिनु परे नेपाल सरकार मार्फत लिन उहाँले सुझाव दिनुभयो । निर्वाचन आयोगमा कुनै विदेशी संस्थाहरूलाई कोठा उपलब्ध नगराउन पनि उहाँले आग्रह गर्नुभयो । एमालेका अर्थ तथा योजना विभाको सदस्यमा राष्ट्र बैँकका गभर्नर महाप्रसाद अधिकारीलाई राखेको विषय चर्चामा आएको बताउँदै यो कुरा कानुनसम्मत नभएको बताउनुभयो । यसलाई तथ्यसँगत रूपमा पुष्टि गर्न वा गभर्नरबाट राजीनामा दिन अधिकारीलाई श्रेष्ठले सुझाव दिनुभयो ।

शेयर गर्नुहोस्: