काठमाडाैं । प्रमुख प्रतिपक्ष नेकपा एमालेकी सांसद् पवित्रा निरौला खरेलले हतियार खरिदका विषयमा प्रधानमन्त्री शेरबहादुर देउवाले सदनलाई जवाफ दिनुपर्ने माग गर्नुभएकाे छ ।
शुक्रबार बसेकाे प्रतिनिधि सभा बैठककाे सुरुमै विशेष समय लिएर बाेल्दै सांसद् खरेलले हतियार खरिदका लागि ठूलाे रकम छुट्याइएकाे कुरा उठेकाले प्रधानमन्त्रीले जवाफ दिनुपर्ने बताउनुभयाे ।
सरकारले चीन र भारतबाट हतियार ल्याउने तयारी गरिरहेकाे भन्दै उहाँले प्रधानमन्त्री कुनै बन्द काेठामा नभएर सदनमा आएर हतियार किन्दैनाैं भन्ने प्रतिबद्धता जनाउनुपर्ने उहाँकाे माग छ ।
'प्रधानमन्त्रीज्यूले बाहिर कुनै कोठामा हतियार ल्याइन्नँ भन्नुभएको कुरा सुनिन आयाे, तर सम्माननीय प्रधानमन्त्रीले यहाँ आएर यो कुरा किन भन्न सक्नु हुन्न ? तत्काल प्रधानमन्त्री संसद्भित्र आएर यो कुरामा प्रष्ट पार्नुपर्छ म सभामुखमार्फत याे माग गर्छु ।'
