काठमाडौं । प्रतिनिधि सभा बैठकको शून्य समयमा बोल्ने सांसदले नागरिकका आधारभूत समस्या सम्बोधन गर्न सरकारको ध्यानाकर्षण गराएका छन् । बुधबार प्रतिनिधि सभा बैठकमा बोल्दै सांसद् टेकबहादुर बस्नेतले किसानले मल, विद्यार्थीले पुस्तक र बाढी पीडितले राहत समेत नपाएको बताउनुभयो । सांसद् डा. डिला सङ्ग्रौला पन्थले सडक दुर्घटनाको सङ्ख्या बढ्दै गएको प्रति चिन्ता व्यक्त गर्नुभयो । सांसद् दिलकुमारीले सर्पको टोकाइको कारण मधेस प्रदेशमा ज्यान गुमाउने घटना बढ्दै गएकोले आवश्यक स्वास्थ्य उपचारको व्यवस्था गर्न माग गर्नुभयो । अर्का सांसद् दिव्यमणि राजभण्डारीले नाफाखोरी नियन्त्रण गर्न माग गर्नुभयो । उहाँले सार्वजनिक व्यक्तिलाई सार्वजनिक यातायात चढ्न सुझाव दिनुभयो । सांसद् दीपकप्रकाश भट्टले गेटामा राष्ट्रिय चिकित्सालय स्थापना गर्न माग गर्नुभयो । अर्का सांसद् देवप्रकाश तिमल्सिनाले गर्मीले मधेसको जीवन प्रभावित भएको बताउँदै विपन्नलाई राहतको व्यवस्था गर्न माग गर्नुभयो । उहाँले किसानलाई यथाशीघ्र मल व्यवस्था गर्न माग गर्नुभयो । सांसद् नवीना लामाले जनतालाई कुरा एउटा र काम अर्को नगर्न सरकारलाई आग्रह गर्नुभयो । सांसद् नारायणप्रसाद खतिवडाले केपी ओलीको सरकारले राखेको सुरुङ मार्गको बजेट वर्तमान सरकारले कटौती गरेको भन्दै आलोचना गर्नुभयो । अर्का सांसद् पवित्र निरौला खरेलले पहुँच नभएका बिरामीले उपचार नपाएको भन्दै गुनासो गर्नुभयो । सांसद् पार्वता डीसी चौधरीले सरकारी अधिकारीले नागरिकलाई धम्क्याइरहेको बताउनुभयो । सांसद् पार्वती विसुंखेले अदालतको पुनर्संरचना अहिलेसम्म हुन नसकेको बताउनुभयो । जनताको न्यायमा पहुँच पुग्न नसकेको उहाँको गुनासो छ । अर्की सांसद् पूर्णकुमारी सुवेदीले लक्ष्मणपुर बाँधको कारण नेपालगञ्जमा बर्सेनि क्षति भएको प्रति सरकारको ध्यानाकर्षण गराउनुभयो । सांसद् प्रकाश रसाइली स्नेहीले न्यायिक सुधार आयोग गठन गरी न्यायलाई मर्यादित र व्यवस्थित बनाउनु पर्ने बताउनुभयो । सांसद् प्रमोद साहले तराईमा पानी नपर्दा किसानले धान रोप्न नपाएको प्रति ध्यानाकर्षण गराउनुभयो । किसानलाई सिँचाई, मल, बिउ सरकारले उपलब्ध गराउन नसकेको प्रति उहाँले ध्यानाकर्षण गराउनुभयो । अर्का सांसद् डा. विजय सुब्बाले तेह्रथुममा निर्माणाधीन पुलको निर्माण कार्य लथालिङ्ग भएको गुनासो गर्नुभयो ।
प्रतिनिधि सभा बैठक : नागरिकका आधारभूत समस्या सम्बोधन गर्न सरकारको ध्यानाकर्षण
काठमाडौं । प्रतिनिधि सभा बैठकको शून्य समयमा बोल्ने सांसदले नागरिकका आधारभूत समस्या सम्बोधन गर्न सरकारको ध्यानाकर्षण गराएका छन् । बुधबार प्रतिनिधि सभा बैठकमा...
SUNRISE KHABAR
1 min read
