काठमाडाैं । नेकपा एमालेका सांसद् शेरबहादुर तामाङले नेपाली कांग्रेसको सरकारका पालामा निजीकरण भएका उद्योगबारे संसदीय समिति बनाएर छानबिन गर्नुपर्ने बताउनुभएकाे छ ।
आइतबार बसेकाे प्रतिनिधि सभा बैठककाे शून्य समयमा बाेल्दै सांसद् तामाङले कांग्रेसको नेतृत्वको सरकारले ०४८ सालमा ४ दर्जन उद्योग निजीकरण गरेकाे स्मरण गराउनुभयाे । निजीकरण गरिएका उद्योग अहिले के कस्तो अवस्थामा छन् भनेर संसदीय छानबिन समिति बनाएर छानबिन गर्न गर्नुपर्ने उहाँले बताउनुभयाे ।
तामाङले भन्नुभयाे - '०४८ कांग्रेस नेतृत्वकाे सरकारले बेलायतका पूर्व प्रधानमन्त्री मार्गेट थैचरकाे निजीकरण नीतिलाई नेपालमा हुबहु अनुकरण गर्याे,डीएआइडी भन्ने संस्थाकाे सहयाेगमा नेपालका ४ दर्जन उद्योग निजीकरण गरिएको थियो,त्यसकाे असरस्वरुप आज औद्योगिक क्षेत्रको योगदान ५ प्रतिशत तल झरिसकेकाे छ र ८० लाख बढी नेपाली वैदेशिक राेजगारीमा जान वाध्य छन्,त्यसैले निजीकरण गरिएका उद्योगहरु के कस्तो अवस्थामा छन् ? संसदीय समिति बनाएर छानबिन गरौँ ।'
