काठमाडौं । नेकपा एमालेका प्रमुख सचेतक विशाल भट्टराईले नेकपाका महासचिव नेत्र विक्रमचन्द विलप्वसहितका नेतालाई पक्राउ पूर्जी जारी गरिएकाेप्रति आपत्ति जनाउनुभएकाे छ ।
मंगलबार बसेकाे प्रतिनिधि सभा बैठककाे विशेष समयमा बाेल्दै एमाले प्रमुख सचेतक भट्टराईले शान्तिप्रक्रियामा आएर प्रतिष्पर्धात्मक गतिविधिमा सहमति जनाइसकेको दलका नेतालाई पक्राउ पुर्जी जारी गर्नु आपत्तिजनक रहेकाे बताउनुभयाे ।वारेण्ट फिर्ता लिएर साे समूहसँगकाे सहमति कार्यान्वयन गर्न उहाँले सरकारकाे ध्यानाकर्षण गराउनुभयाे ।
'हालै सरकारले नेकपाकाे विप्लव समूहलाई फेरि थप कारबाहीका लागि पत्र पठाएकाे सुनियाे, कुनै बेला हिंसाकाे बाटाे राेजेकाे हतियार बाेकेर सशस्त्र युद्धमा हाेमिएकाे समूहलाई तत्कालीन केपी शर्मा ओली नेतृत्वकाे एमालेकाे सरकारले ३ बुँदे सहमति गरेर हिंसाकाे बाटाे परित्याग गराउँदै शान्तिपूर्ण बाटाेमा ल्याएकाे थियाे,त्याे ३ बुँदे सहमतिले नेपाली जनतामा लामाे समयदेखि रहेकाे हिंसाकाे जुन आतंक थियाे त्याे आतंक अन्त्य भयाे'- भट्टराईले भन्नुभयाे ।
प्रमुख सचेतक भट्टराईले विप्लव समूह विरुद्ध जारी गरिएकाे पक्राउ पुर्जी फिर्ता लिन सरकारसँग माग पनि गर्नुभयाे । एमाले सरकारले तराईकाे सिके राउत समूहलाई पनि नेपालकाे राष्ट्रिय राजनीतिकाे मूलधारमा ल्याइसकेपछि हिंसाकाे बाटाे राेज्ने कुनै समूह छैनन् नेपालमा अब शान्तिसाथ बाँच्न पाइन्छ भनेर नेपाली जनताले अनुभूति गरिरहेका बेला सरकारले पुर्जी काट्नु गलत भएकाे बताउनुभयाे ।
'याे सरकारले अघिल्लाे सरकारले गरेका निर्णय निरन्तर अघि बढाउनुपर्नेमा फेरि अनेक बहानामा विप्लव समूहलाई पत्र काट्ने र उनीहरुलाई त्यहि बाटाे राेज्नका लागि सरकार उद्दत भएकाे हाे भने यो कामबाट सरकार तत्काल पछि हट्न, उहाँहरुलाई काटेकाे पत्र फिर्ता लिन र उहाँहरुले राजनीतिक दल दर्ता गरेर अब हामी प्रतिष्पर्धा र शान्तिपूर्णबाटाेबाट राजनीति गर्छाैं भन्नुभएकाे छ,यसमा प्राेत्साहन गर्न म सरकारसँग आग्रह गर्छु'- उहाँले भन्नुभयाे ।
०७७ फागुन २० गते तत्कालीन केपी ओली नेतृत्वको सरकारसँग तीन बुँदे सहमति गरेर विप्लव समूह मूलधारमा आएको थियाे ।
