काठमाडौं । राष्ट्रपति विद्यादेवी भण्डारीले सन्देशसहित फिर्ता पठाउनुभएको नागरिकता विधेयकसम्बन्धी पत्र प्रतिनिधि सभामा पेस भएकाे छ ।
मंगलबार बसेको बैठकमा प्रतिनिधि सभाका सचिव गाेपालनाथ योगीले राष्ट्रपति कार्यालयबाट प्राप्त पत्र पढेर सुनाउनुभएकाे हाे । राष्ट्रपति भण्डारीले नेपाल नागरिकता ऐन २०६३ लाई संशोधन गर्न बनेको नेपाल नागरिकता विधेयक, २०७९ पुर्नविचार गर्नुपर्ने भन्दै प्रतिनिधि सभामा फिर्ता पठाउनुभएकाे थियाे ।
सभामुख अग्निप्रसाद सापकोटाको अनुमतिपछि योगीले राष्ट्रपतिका तर्फबाट सचिव यादवप्रसाद कोइरालाले पठाएको पत्र पढेर सुनाउनुभएकाे हाे ।
