काठमाडाैं । प्रतिनिधि सभा बैठक आज बस्दैछ ।
संघीय संसद् भवन नयाँ बानेश्वरमा बिहान ११ बजे बस्ने बैठकमा राष्ट्रपति विद्यादेवी भण्डारीबाट सन्देश सहित फिर्ता भएको 'नेपाल नागरिकता (पहिलो संशोधन) विधेयक, २०७९ पारित गर्ने तयारी छ ।
बैठककाे सुरुमा सभामुख सभामुख अग्निप्रसाद सापकाेटाले प्रतिनिधि सभा नियमावली, २०७५ को नियम २१० को उपनियम (४) बमोजिम १० वा सो भन्दा बढी बैठकमा अनुपस्थित सांसद्काे अनुपस्थितिको सूचनf सभाको स्वीकृतिको लागि पेस गर्नुहुने संसद् सचिवालयले जनाएकाे छ ।
बैठकमा प्रधानमन्त्री शेरबहादुर देउवाले 'राष्ट्रिय महिला आयोगको चौधौं वार्षिक प्रतिवेदन (२०७७ श्रावण –-२०७८ आषाढ)' गर्नुहुने सम्भावित कार्यसूची छ ।
बैठकमा गृहमन्त्री बालकृष्ण खाँडले 'राष्ट्रपति विद्यादेवी भण्डारीबाट सन्देश सहित फिर्ता भएको 'नेपाल नागरिकता (पहिलो संशोधन) विधेयक, २०७९ माथि पुर्नविचार गरियोस्' भनी प्रस्ताव प्रस्तुत गर्नुहुनेछ ।
उहाँले नै 'राष्ट्रपतिबाट सन्देश सहित फिर्ता भएको नेपाल नागरिकता (पहिलो संशोधन) विधेयक, २०७९ लाई पारित गरियोस्' भनी प्रस्ताव प्रस्तुत गर्नुहुने कार्यसूची रहेकाे संसद् सचिवालयले जनाएकाे छ ।
