काठमाडाैं । राष्ट्रपति विद्यादेवी भण्डारीबाट सन्देशसहित फिर्ता भएकाे नागरिकता विधेयक प्रतिनिधि सभाबाट पारित भएकाे छ ।
बिहीबार बसेकाे प्रतिनिधि सभा बैठकले राष्ट्रपति भण्डारीबाट सन्देशसहित फिर्ता भएकाे विधेयक जस्ताकाे तस्तै पारित गरेकाे हाे । मतविभाजन प्रक्रिया अनुसार विधेयक पारित गरिएकाे हाे ।
प्रतिपक्षी नेकपा एमालेले ध्वनीमतबाट नभइ मतविभाजनबाट टुंग्याउन माग गरेको थियो । सोही अनुसार मतविभाजन गरिएकाेमा साे विधेयककाे पक्षमा १ सय ३५ र विपक्षमा ६० मत परेकाे थियाे । मत दिन्न भन्ने पक्षमा शून्य मत परेकाे थियाे
त्यसपछि सभामुख अग्निप्रसाद सापकाेटाले नागरिकता विधेयक बहुमतले पारित भएकाे घाेषणा गर्नुभयाे । विधेयक पारित भएसँगै प्रतिनिधि सभा बैठक भदाै ५ गतेसम्मका लागि स्थगित भएकाे घाेषणा पनि सभामुखले गर्नुभयाे ।
साे विधेयक प्रतिनिधि सभा र राष्ट्रिय सभाबाट पारित गरेर प्रमाणीकरणका लागि राष्ट्रपति समक्ष पठाइएको थियो । राष्ट्रपति भण्डारीले पुनर्विचार गर्न भन्दै साउन २९ गते प्रतिनिधि सभामा फिर्ता पठाउनुभएकाे थियाे । उहाँले विभिन्न ८ बुँदे सन्देश दिनुभएकाे थियाे । तर राष्ट्रपतिले समेट्न सुझाव दिनुभएका कुनै पनि विषय नसमेटी पहिलेकै विधेयक हुबहु रुपमा पारित गरिएकाे हाे ।
नागरिकता विधेयकमा प्रमुख प्रतिपक्षी एमालेले अंगीकृतका सवालमा ७ वर्षे प्रावधान राख्न माग गर्दै आएकाे थियाे । तर सरकारले साे प्रावधानलाई नराखी विधेयक पारित गरेकाे छ ।
