काठमाडाैं । जनता समाजवादी पार्टी (जसपा) का सांसद् उपेन्द्र यादवले राष्ट्रपति विद्यादेवी भण्डारीले नागरिकता विधेयक फिर्ता गर्नु गलत थियाे भन्ने पुष्टि भएकाे बताउनुभएकाे छ ।
बिहीबार प्रतिनिधि सभाबाट नागरिकता विधेयक पारित भएपछि संसद् भवनमा सञ्चारकर्मीसँग कुरा गर्दै सांसद् यादवले भन्नुभयाे - 'राष्ट्रपतिले सन्देशसहित नागरिकता विधेयक फिर्ता पठाउनुहुँदैन थियाे भन्ने कुरा आजकाे प्रतिनिधि सभाले सावित गरेकाे छ ।'
नेपाली नागरिकलाई नागरिकता बिहीन बनाएर राख्न नहुने उहाँकाे भनाइ थियाे ।
