काठमाडौं । प्रतिनिधि सभा सदस्य प्रदीप ज्ञवालीले प्रतिनिधि सभाको म्याद सकिने बेलामा विधेयक ल्याएको भन्दै आपत्ति प्रकट गर्नुभएको । सोमबार प्रतिनिधि सभा बैठकमा बोल्दै ज्ञवालीले प्रतिनिधि सभाले बाँकी कार्यकालमा टुङ्ग्याउन नभ्याउने विधेयक ल्याएर सरकारले त्यसलाई टुङ्ग्याउने भन्दा पनि देखाउन काम गरेको बताउनुभयो । ‘टुङ्ग्याउनका लागि ल्याइएको हो वा देखाउनको लागि ल्याइएको हो ? मेरो मनमा प्रश्न उठेको छ’, ज्ञवालीले भन्नुभयो । सङ्क्रमणकालीन न्यायलाई सम्बोधन गर्ने गरी सरकारले ल्याएको विधेयक पीडितको संवेदनशीलतामा ध्यान नराखी ल्याइएको ज्ञवालीले बताउनुभयो । यसले सङ्क्रमणकालीन न्याय प्रक्रियालाई नै थप गिजोल्ने उहाँले बताउनुभयो । द्वन्द्वरत दुवै पक्ष सरकारमा रहेको बेलामा र दुवैको सिकाेयन्स मिलेको बेलामा पेलेर विधेयक ल्याउन लागेको उहाँले टिप्पणी गर्नुभयो । सङ्क्रमणकालीन न्यायको काम गर्दा पीडितको सहमति, अन्तर्राष्ट्रिय कानुन र सर्वोच्च अदालतको फैसलालाई हेर्नुपर्नेमा उहाँले जोड दिनुभयो । यति संवेदनशील विषयमा प्रक्रिया मिलने भने वा प्रक्रिया मिचियो भने पीडितले न्याय नपाउने उहाँले बताउनुभयो । प्रक्रियालाई पछ्याइएन भने राम्रोको लागि गरिएको कामले पनि नराम्रो परिणाम ल्याउने उहाँले बताउनुभयो । ‘त्यस कारण प्रक्रियालाई काहीँ कतै उल्लङ्घन नगरियोस्’, उहाँले भन्नुभयो । माथि मिलेर र टाउको जोडेर शान्ति प्रक्रिया नटुङ्गिने उहाँले बताउनुभयो । उहाँले सङ्क्रमणकालीन न्यायलाई एउटा प्रक्रियामा उभिएर टुङ्ग्याउन आग्रह गर्नुभयो ।
प्रदीप ज्ञवालीको प्रश्न : प्रतिनिधि सभामा विधेयक देखाउन ल्याएको कि टुङ्ग्याउन ?
काठमाडौं । प्रतिनिधि सभा सदस्य प्रदीप ज्ञवालीले प्रतिनिधि सभाको म्याद सकिने बेलामा विधेयक ल्याएको भन्दै आपत्ति प्रकट गर्नुभएको । सोमबार प्रतिनिधि सभा बैठकमा...
SUNRISE KHABAR
1 min read
