काठमाडौं । नेपाली कांग्रेसकी सांसद पार्वता डिसी चाैधरीले द्वन्द्वकालकाे बेला कांग्रेस र कांग्रेकाे घर खाेजि-खाेजि हिड्नेका अगाडि पार्टीका सभापति शेरबहादुर देउवा लमपसार परेर लाग्नुभएकाे बताउनुभएकाे छ ।
प्रतिनिधि सभाको बैठकमा वेपत्ता पारिएका व्यक्तिको छानबिन तथा सत्य निरुपण तथा मेलमिलाप आयोगको तेस्रो संशोधन विधेयक २०७९ माथि विचार गरियोस् भन्ने प्रस्तावको छलफलका क्रममा उहाँले प्रधानमन्त्री देउवालाई प्रश्न गदै भन्नुभयो– ‘म प्रश्न त पार्टी सभापति तथा प्रधानमन्त्री शेरबहादुर देउवालाई गर्न चाहान्छु । उहाँ किन यति लागि परिरहनु भएको छ ?’
उक्त संशोधन विधेयक त्रुटि पूर्ण रहेको बताउँदै उहाँले भन्नुभयाे- ‘आज यत्रो वर्ष पछि चुनावको समयमा आएर यो छिटो छिटो हतारमा गर्नु पर्ने ? यो त्रुटि पूर्ण छ । यो मैले मात्र भनिरहेको छैन सारा नेपाली जनता आन्दोलित छन् । न्याय खोजिरहेका छन् ।’
चौधरीले हतारको कुराले जनतालाई न्याय नदिँने प्रष्ट रहेको भन्दै यस्तो कार्य जनता प्रतिको अन्याय रहेको बताउनुभएको छ । ‘यो जनता प्रतिको अन्याय हो । मेरो परिवार पनि पिडित नै हो । मेरो बुबा पिडित हो । दाजु पिडित हो । त्यो एउटा द्धन्द काल थियो भयो ।’ उहाँले भन्नुभयो– ‘तर पिडितले न्याय त पाउन पर्यो । न्यायका लागि अदालतमा पुनावोलकन गर्न नपाइने रे कस्तो अचम्म हामी कानुनलाई मान्छौं कि मान्दैनौं ? भोलि यसले गरेको निर्णय अन्तराष्ट्रिय अदालतले उल्टाइ दियो भने नेपालको स्थान कहाँ पुग्छ ?’
‘कांग्रेस साँच्चै पिडामा छ । त्यो समय खोजि खोजि को कांग्रेस र कुन कांग्रेसको घर भन्दै हिड्थे । अहिले हाम्रा पार्टीका सभापति तथा प्रधानमन्त्री शेरबहादुर देउवा नै लागी पर्नु भएको छ ।’ चौधरीले भन्नुभयाे ।
पक्ष र प्रतिपक्ष दुबै तिरका द्धन्द्ध कालिन पिडितलाई न्याय हुने गरि यस समस्याको निरुपण हुनुपर्ने भन्दै उहाँले भन्नुभयो– ‘यस्तो गम्भिर विषयमा वृहत छलफल गरेर के गर्दा सेफ ल्यान्डिङबाट हामी सबै द्धन्द्ध कालिन पिडितलाई न्याय हुने गरि निरुपण हुनुपर्छ । जुन कुरा भए जस्तो म देख्दिन ।’
उहाँले थप्नुभयो– ‘कमरेड मान्य पुष्पकमल दाहाल प्रचण्ड ज्यूको अवस्य पनि दायित्व हो उहाँ लाग्नु हुनन्छ । तर किन हाम्रो सभापति तथा देशका प्रधानमन्त्री यसरी लम्पसार परेर अन्याय गर्दै हुनुहुन्छ ?’
मानव अधिकार भन्दा माथि कोहि नरहेको बताउँदै उहाँले भन्नुभयो– ‘मानव अधिकारलाई संरक्षण गरेर न्याय दिनु पर्छ । अन्याय गरेर यसलाई हामीले छिटो छिटो रुपमा पारित गर्यौं भने अवस्य पनि यो फेरि बल्जिन सक्छ ।’
