काठमाडौं । प्रमुख प्रतिपक्ष नेकपा एमालेका सांसद् गाेकुल बास्काेटाले एमालेलाई सिध्याउने सपना नदेख्न सत्ता गठबन्धनलाई चेतावनी दिनुभएकाे छ ।
मंगलबार बसेकाे प्रतिनिधि सभा बैठकमा केही नेपाल ऐन संशोधन गर्ने विधेयकमाथि संशोधन प्रस्ताव पेस गर्ने क्रममा सांसद् बास्काेटाले प्रतिपक्षीकाे सहमति विपरित गतिविधि नगर्न सरकारलाई चेतावनी दिनुभयाे । एमाले सिध्याएर अपराध कर्महरु लुकाउँछाैं भन्ने सपना नदेख्न समेत उहाँले चेतावनी दिनुभयाे ।
संसद्काे आयु बढाउने नाममा एमालेमाथि षड्यन्त्र गर्न खाेजिएकाे सांसद् बास्काेटाले बताउनुभयाे । उहाँले भन्नुभयाे - 'ठूल्ठूला कुरा सुनिए,राजीनामा दिएर हिँडेपनि हुन्छ,तपाइँहरुलाई चाहिएकाे के छ भने धर्तीमा एमाले खाली हाेस्, तपाइँहरु भुलाे उडाएर हिँड्न पाउनुस् एक्लै,तर हेक्का राख्नुस् त्याे कुरा सम्भव छैन,जुन षड्यन्त्रबाट याे सरकार बनेकाे छ त्यसका सम्पूर्ण अपराध कर्मलाई एमाले नभएर वैधानिकता दिउँला भन्ठान्नुभएकाे छ भन्ने कुरा बेग्लै कुरा हाे ।'
