काठमाडाैं । महाअभियोग सिफारिस समितिले निलम्बित प्रधानन्यायाधीश चोलेन्द्र शम्शेर जबराले नाम लिएका पूर्व प्रधानन्यायाधीश, न्यायाधीश र बार पदाधिकारीलाई समितिमा बोलाउने भएकाे छ ।
बुधबार सिंहदरबारमा बसेकाे समितिकाे बैठकले निलम्बित प्रधानन्यायाधीश जबराले बयानका क्रममा नाम लिएका पूर्व प्रधानन्यायाधीश, बार पदाधिकारी र न्यायाधीशहरुलाई बोलाउने निर्णय गरेको हो ।
बिहीबार बस्ने बैठकले पूर्व प्रधानन्यायाधीश, न्यायाधीश र बार पदाधिकारीलाई बोलाउने समय निर्धारण गर्ने महाअभियोग सिफारिस समितिका प्रवक्ता लक्ष्मीप्रसाद गौतमले जानकारी दिनुभयाे । काेकाेलाई बोलाउने भनेर नाम संकलन भइरहेकाे उहाँले बताउनुभयाे ।
