काठमाडाैं । प्रतिनिधि सभा बैठक आज बस्दैछ ।
बैठक संघीय संसद् भवन नयाँ बानेश्वरमा बिहान ११ बजे बस्नेछ । बिहीबारका लागि बाेलाइएकाे बैठक आजका लागि सारिएकाे हाे । बैठक विभिन्न विधेयक टेबुल हुने सम्भावित कार्यसूची छ ।
बैठकमा राष्ट्रिय सभाबाट सन्देशसहित प्राप्त पशु स्वास्थ्य तथा पशु सेवा परिषद् विधेयक, २०७९, बीमा विधेयक, २०७९ र सार्वजनिक ऋण व्यवस्थापन विधेयक, २०७९ पेस हुने रहेकाे संसद् सचिवालयले जनाएकाे छ ।
सभामुख अग्निप्रसाद सापकाेटाले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार सम्बन्धी पत्रको व्यहोरा पढेर सुनाउनुहुने कार्यसूची छ ।
बैठकमा प्रधानमन्त्री शेरबहादुर देउवाले 'न्याय परिषद् र न्याय सेवा आयोगको वार्षिक प्रतिवेदन आ.व. २०७७-०७८' पेस गर्नुहुने कार्यसूची रहेकाे संसद् सचिवालयले जनाएकाे छ ।
