काठमाडाैं । राष्ट्रिय प्रजातन्त्र पार्टी (राप्रपा) का अध्यक्ष एवं प्रतिनिधि सभा सदस्य राजेन्द्र लिङ्देनले भ्रष्टाचार नगर्ने भन्दै थप शपथ लिनुभएकाे छ ।
प्रतिनिधि सभा सदस्य पदको शपथ ग्रहण कार्यक्रममा सांसद् लिङ्देनले भ्रष्टाचार गर्नु आमाको रगत खानुसरह मानेर काम गर्ने भन्दै थप शपथ ग्रहण गर्नुभएकाे हाे ।
बिहीबार नयाँ बानेश्वरस्थित संघीय संसद् भवनकाे लाेत्से हलमा प्रतिनिधि सभाका ज्येष्ठ सदस्य पशुपति शमशेर जबराले नवनिर्वाचित सदस्यहरुलाई पद तथा गोपनीयताको शपथ ग्रहण गराउनुभएकाे थियाे ।
संघीय संसद् सचिवालयले उपलब्ध गराएको अनुसूची ३ प्रतिनिधि सभा सदस्य निर्वाचन ऐन २०७४ को दफा ७५ को उपदफा १ संम्बन्धित व्यवहोराअनुसार प्रतिनिधि सभा सदस्यहरुले शपथ लिए । तर लिङ्देनले 'भ्रष्टाचार गरेर खानु आमाको रगत खानुसरह मानेर काम गर्नेछु' भन्ने शब्द थपेर थप शपथ लिनुभयाे ।
लिङ्देनले शपथ भने नेपाली भाषामै लिनुभएकाे थियाे ।
