काठमाडौं । नेपालको जस्तो एकताको संसद् विरलै देख्न पाइने प्रधानमन्त्री पुष्पकमल दहालले बताउनु भएको छ ।
संसद्को पहिलो बैठकलाई सम्बोधन गर्दै उहाँले संसद्ले सपथ ग्रहण गर्दा विविध भेषभुसा र भाषामा गरेको कुरा राम्रो लागेको बताउँदै यस्तो एकताको फुलबारी संसद् विरलै देख्न पाइने बताउनु भयो ।
सम्बोधन गर्दै उहाँले नवनिर्वाचित सांसद्लाई सफल कार्याकालको शुभकामना समेत दिनुभएको थियो ।
‘संसद्को सपथ ग्रहणको दिन मलाई एकदमै खुसी लागेको थियो । यहाँ विभिन्न भेषभुसा र भाषामा सांसद्हरुले सपथ लिनु भयो’ उहाँले भन्नुभयो– ‘यस्तो एकताको संसद् । यस्तो फुलबारी संसद् विरलै देख्न पाइन्छ ।’
