काठमाडौं । राष्ट्रिय जनमोर्चाका अध्यक्ष चित्रबहादुर के.सीले गणतन्त्र स्थपना गर्नेबाटै गणतन्त्रलाई जोखिम भएको बताउनुभएको छ ।
प्रतिनिधि सभाको पहिलो बैठकलाई सम्बोधन गदै के.सीले सत्ताको लोभमा गणतन्त्र ध्वस्त पार्न खोजिएको बताउनु भएको छ ।
‘गणतन्त्र ध्वस्त हुन्छ भने गणतन्त्रका लागि लडेका बाटै हुन्छ । गणतन्त्र स्थापनाका लागि जस्ले अग्र स्थानमा बसेर आन्दोलनका गरेका थिए उनिहरुबाटै गणतन्त्र संकटमा परेको छ’ उहाँले भन्नुभयो–‘सत्ताको लोभमा गणतन्त्र स्थपनाबाटै गणतन्त्र ध्वस्त हुने अवस्था आएको छ ।’
देशका लागि संघीयता आवश्कता नभएको भन्दै उहाँले संघीयता खारेजिको एजेण्डा लिएकै कारण चौंथो पटक पनि जनताले आफूलाई संसद्मा पठाएको बताउनु भयो ।
‘अहिले म दुई महिना जनता माझ गए । संघीयता खारेज गर्छौ भनेर मत दिएको जनताले भने’ उहाँले भन्नुभयो– ‘सत्ताका लागि संसद विघटन गर्नु हुँदैन । ०७४ मा गर्नु पर्ने आवश्यक थिएन । यसबाट जनता असन्तुष्ट छन् ।’
‘एयरपोर्टमा जानुस् त विहान कति धेरै संख्यामा विदेश गइरहेका छन्’ उहाँले भन्नुभयो– ‘उद्योग खोइ ? कलकारखाना खोइ ? खास गरि जनताको यो व्यवस्था प्रति निकै निराशा छ ।’
संसद्को रोष्टममा कसैले भ्रटचार गर्नुपर्छ नभन्ने तर सो कुरा व्यवहारमा लागु नगर्ने भन्दै केसीले प्रश्न गर्नुभयो– ‘कुन चाहिँ मन्त्री र प्रधानमन्त्रीले देशमा भ्रष्टचार गर्नु पर्छ भनेर भनेका छन् । तर व्यवहारमा के भइरहेको छ ?
‘अहिले नेता र मन्त्री प्रति जनताको आस्था छैन’ उहाँले भन्नुभयो– ‘हामीले यहिँ संस्कार राखिराख्यौं र कार्यकर्तालाई यहिँ सिकायौं भने देशमा संघीयता रहँदैन ।’
देशमा मन्त्री सांसदको संख्या बढि भए देशको अर्थतन्त्रले नधान्ने उहाँको भनाइ थियो ।
