काठमाडौं । प्रतिनिधि सभा बैठक सुरु भएको छ । बैठक दिउँसो १ बजेबाट सुरु भएको हो ।
आजको प्रतिनिधि सभा बैठकमा प्रधानमन्त्री पुष्पकमल दाहाल प्रचण्डले विश्वासको मत लिने कार्यसूची रहेको छ । प्रधानमन्त्रीले सभा समक्ष विश्वासको मत माग्दै हुनुहुन्छ । प्रधानमन्त्रीमा नियुक्त भएको ३० दिनभित्र विश्वासको मत लिनुपर्ने संवैधानिक व्यवस्था छ । सोही अनुसार प्रचण्डले विश्वासको मत लिन लाग्नुभएको हो ।
प्रतिनिधि सभामा प्रतिनिधित्व गर्ने कुनै पनि दलको बहुमत नआएपछि राष्ट्रपति विद्यादेवी भण्डारीले संविधानको धारा ७६ को उपधारा २ बमोजिम माओवादी केन्द्रका अध्यक्ष प्रचण्डलाई पुस १० गते प्रधानमन्त्रीमा नियुक्त गर्नुभएको थियो । प्रचण्डले पुस ११ गते शपथ लिनुभएको थियो ।
