काठमाण्डाैं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राष्ट्र निर्माता (पृथ्वीनारायण शाह) लाई सम्मान गर्ने कुरामा कसैले पनि हीनताबोध गर्न नहुने बताउनु भएकाे छ ।
प्रतिनिधि सभाकाे बैठकमा बोल्दै अध्यक्ष लिङ्देनले देशका गौरवाशाली इतिहासको सम्मान गर्ने कुरा गर्दा पछाडि फर्केकाे नहुने भन्दै पृथ्वी जयन्ती एक पार्टीको मात्रै नभइ सबै देशको भएको बताउनुभयो ।
आफ्नाे पार्टीले प्रधानमन्त्री पुष्पकमल दाहाल प्रचण्डलाई विश्वासको मत दिने बताउनुभएकाे छ । सरकार गठनका प्रक्रिया देखि नै राप्रपाले साथ दिँदै आएकाे स्मरण गराउँदै उहाँले प्रधानमन्त्री प्रचण्डलाई पार्टीले विश्वासकाे मत दिने बताउनुभएकाे हाे ।
पृथ्वी जयन्तीको अवसरमा राप्रपाले भृकुटी मण्डपमा भोलि (बुधवार) चियापान कार्यक्रम गरेकाे बताउँदै सबैलाई चियापानमा सामेल हुन निम्ताे समेत दिनुभएकाे छ ।
