काठमाडाैं । एकीकृत समाजवादीका अध्यक्ष एवं संसदीय दलका नेता माधव कुमार नेपालले प्रधानमन्त्रीलाई आफूखुशी प्रतिनिधि सभा विघटन गर्ने अधिकार संविधानले नदिएकाे बताउनुभएकाे छ ।
मंगलबार बसेकाे प्रतिनिधि सभाकाे बैठकमा प्रधानमन्त्री पुष्पकमल दाहाल प्रचण्डले पेस गर्नुभएकाे विश्वासकाे मतसम्बन्धी प्रस्तावमाथि छलफलमा भाग लिँदै उहाँले एमाले अध्यक्ष केपी शर्मा ओलीप्रति लक्षित गर्दै त्यसाे भन्नुभएकाे हाे ।
प्रतिनिधि सभाकाे पहिलाे बैठकमा नै प्रतिनिधि सभा विघटन गर्न पाइन्छ भन्ने गर्जन सुनिएकाे अध्यक्ष नेपालले बताउनुभयाे । 'हिजाे यहाँ प्रतिनिधि सभा विघटन गर्न पाइन्छ भन्ने गर्जन सुनियाे, प्रधानमन्त्रीले प्रतिनिधि सभा विघटन गर्न पाउँदैनन्, हेक्का रहाेस् ।'
राणा र राजाका पालाका कुरा उठाएर अहिले प्रतिनिधि सभा विघटन गर्न पाइन्छ भन्नु प्रतिगमन भएकाे र त्यसलाई आफूहरुले प्रतिगमन भनेकाे उहाँले बताउनुभयाे ।
प्रधानमन्त्रीले प्रतिनिधि सभा विघटन गर्न सक्छ भन्ने अहिलेकाे गठबन्धनकाे साझा धारणा भए त्याे गलत हुने अध्यक्ष नेपालले बताउनुभयाे । उहाँले राष्ट्रियता लगायत १५ बुँदे सुझाव सरकारलाई दिनुभयाे । कुरा कम र काम धेरै गर्दै अगाडि बढ्नुपर्नेमा आफूहरु गफाडीका राजा जस्तै भएकाे बताउनुभयाे ।
सरकारला विश्वासकाे मत दिने र रचनात्मक प्रतिपक्षमा बस्ने उद्घाेष पनि नेपालले गर्नुभयाे ।
