काठमाडौं । प्रतिनिधि सभा सदस्य अनिता देवीले राजनीतिक दललाई सानो र ठुलो भन्दै लाखापाखा नगर्न आग्रह गर्नुभएको छ ।
मंगलबार प्रतिनिधि सभा बैठकमा बोल्दै राष्ट्रिय मान्यता प्राप्त दललाई समेत कानुनले नै विभेद गरेको उहाँले बताउनुभयो । १० भन्दा कम सांसद् भएका राजनीतिक दललाई कानुनले विभेद गरेको बताउँदै अनिताले त्यस्तो कानुन संशोधन गर्न माग गर्नुभयो । आफ्नो दल राष्ट्रिय दल हुँदा पनि अन्य दलले पाउने सुविधा नपाएको भन्दै उहाँले गुनासो गर्नुभयो ।
सत्ता गठबन्धनको उच्च संयन्त्र बनेको भए पनि जनमत पार्टीलाई राष्ट्रिय पार्टी हुँदा हुँदै संयन्त्रमा नराखेको भन्दै उहाँले आलोचना गर्नुभयो । राजनीतिमा पेलेर वा हेपेर होइन सहकार्य र सहअस्तित्वको आधारमा अघि बढ्न उहाँले आग्रह गर्नुभयो ।
