काठमाडाैं । स्वतन्त्र सांसद् अमरेशकुमार सिंहले प्रतिनिधि सभामा गरेका वाचा पूरा गर्न प्रधानमन्त्री पुष्पकमल दाहाल प्रचण्डलाई सुझाव दिनुभएकाे छ ।
मंगलबार बसेकाे प्रतिनिधि सभाकाे बैठकमा प्रधानमन्त्री पुष्पकमल दाहाल प्रचण्डले पेस गर्नुभएकाे विश्वासकाे मतसम्बन्धी प्रस्तावमाथि छलफलमा भाग लिँदै सांसद् सिंहले सरकारका प्रतिबद्धताका ५० प्रतिशत मात्रै कार्यान्वयन भयो भने पनि त्यो इतिहासकै 'गोल्डेन पिरियड' हुने बताउनुभयाे ।
जनताकाे विश्वास जित्नेगरी काम गर्न प्रधानमन्त्री प्रचण्डलाई उहाँले सुझाव दिनुभयाे । जनयुद्ध,मधेस लगायत अरु कुनै पनि आन्दाेलनकाे वाचा नबिर्सन सांसद् सिंहले प्रधानमन्त्री प्रचण्डकाे ध्यानाकर्षण गराउनुभयाे ।
संविधान सबैभन्दा ठूलाे धर्मग्रन्थ भएकाे भन्दै उहाँले संविधान मास्ने अधिकार कसैलाई नभएकाे बताउनुभयाे । ठूलालाई चयन सानालाई एेन हुन नहुने पनि सांसद् सिंहले बताउनुभयाे । बालुवाटार,सिंहदरबार र सभामुखकाे कार्यकक्षमा सिसीटिभी राख्न समेत सिंहले सुझाव दिनुभयाे ।
