काठमाडाैं । लुम्बिनी प्रदेशको सभामुखमा माओवादी केन्द्रका तुलाराम घर्ती र उपसभामुखमा राप्रपाकी मेनुका खाँड केसी निर्विरोध निर्वाचित हुनुभएकाे छ ।
सभामुखमा घर्तीकाे मात्रै उम्मेदवारी परेपछि उहाँ निर्विराेध निर्वाचित हुनुभएकाे हाे । उपसभामुखमा नेपाली कांग्रेसका विश्वप्रेम पाठक र नागरिक उन्मुक्ति पार्टीकी निर्मलादेवी थारुले उम्मेदवारी फिर्ता लिएपछि मेनुका पनि निर्विराेध निर्वाचित हुनुभयाे ।
मंगलबार बसेकाे प्रदेश सभा बैठकमा सभामुखमा घर्ती र उपसभामुखमा खाँडकाे मात्र प्रस्ताव पेस भएपछि दुबै जनालाई निर्विराेध निर्वाचित भएकाे घाेषणा गर्नुभएकाे हाे ।
मंसिर ४ गते सम्पन्न चुनावमा घर्ती पाल्पा २ 'ख' बाट प्रदेश सभा सदस्यमा निर्वाचित हुनुभएकाे थियाे । मेनुका समानुपातिकतर्फबाट सांसद् बन्नुभएकाे हाे ।
८७ सदस्यीय लुम्बिनी प्रदेश सभामा एमालेका २९, कांग्रेसका २७, माओवादी केन्द्रका ९, राप्रपाका ४, नागरिक उन्मुक्ति पार्टीका ४, जनमत पार्टी, जनता समाजवादी पार्टी र लोकतान्त्रिक समाजवादी पार्टीका ३-३, राष्ट्रिय जनमोर्चा तथा एकीकृत समाजवादीका १-१ जना र १ जना स्वतन्त्र सांसद् छन् ।
