काठमाडाैं । नेकपा एमालेका सचिव एवं सांसद् याेगेश भट्टराईले नेपाली कांग्रेस राजनीतिक काेर्स अगाडि बढाउन असफल भएपनि नेकपा एमालेले नयाँ काेर्स निर्माण गरेकाे बताउनुभएकाे छ ।
बिहीबार बसेकाे प्रतिनिधि सभा बैठकमा सभामुखसम्बन्धी प्रस्तावमाथिकाे छलफलमा भाग लिँदै सांसद् भट्टराईले तत्कालीन गठबन्धन त्यसमा पनि कांग्रेस नयाँ सरकार बनाउन असफल भएपछि एमालेका अध्यक्ष केपी शर्मा ओलीले पहलकदमी लिनुभएकाे पनि उहाँले प्रष्ट पार्नुभयाे ।
पुस १० गते दिउँसाेसम्म कांग्रेसले आफ्नो कोर्स पूरा गर्न नसकेपछि एमाले अध्यक्ष ओलीले नयाँ कोर्स निर्माण गर्नुभएकाे सांसद् भट्टराईले बताउनुभयाे । 'पुस १० गतेअघि हामीले राष्ट्रपति पनि मागेका थिएनाैं, सभामुख पनि मागेका थिएनाैं, जनादेश अनुसार प्रमुख प्रतिपक्षमा बस्न तयार छाैं भनेकै थियाैं, तर जसले राजनीतिक काेर्स अगाडि बढाउनुपर्ने थियाे, त्याे असफल भएपछि, संविधान रक्षाका लागि हामी अग्रसर भयाैं,हाम्रा अध्यक्षले पहल लिनुभयाे'- उहाँले भन्नुभयाे ।
पुस १० गतेबाट बनेको नयाँ राजनीतिक कोर्स ५ वर्षसम्म जाने पनि बताउनुभयाे । नेपालकाे संसदीय इतिहासमा एमाले सबैभन्दा धेरै दिने र नेपाली कांग्रेस सबैभन्दा धेरै लिने दल भएकाे सांसद् भट्टराईले बताउनुभयाे । उहाँले भन्नुभयाे - 'टंकप्रसाद नआएकाे भए के हुन्थ्याे ? हामी के हुन्थ्याे ? साथीहरु पुरानाे भइसकेकाे गीत गाउनुभयाे,हामी गाउन त चाहान्नाैं तर उहाँहरुले गाएपछि हामी पनि त्याे गीत सम्झियाैं ।'
