काठमाडौं । नेकपा एमालेका अध्यक्ष केपी शर्मा ओलीले राष्ट्रपतिकाे चुनावका लागि तयारी भइरहेकाे बताउनुभएकाे छ ।
नयाँ बानेश्वरस्थित संघीय संसद् भवन परिसरमा शनिबार सञ्चारकर्मीले साेधेका जिज्ञासाकाे जवाफ दिँदै अध्यक्ष ओलीले भन्नुभयाे - 'राष्ट्रपतिको तयारी राम्रो छ ।' सत्ता साझेदार दलबीच राष्ट्रपति र सभामुख एमालेले पाउने सहमति भएकाे छ ।
एमाले संसदीय दलका नेता समेत रहनुभएका अध्यक्ष ओलीले आफूहरुले गठबन्धन गरेकाे नभइ सत्ता सहकार्य गरेकाे बताउनुभयाे । कांग्रेसले गठबन्धन भत्काउँदै छ रे भन्ने सञ्चारकर्मीकाे जिज्ञासामा उहाँले भन्नुभयाे - 'हामीले गठबन्धन गरेकै छैन, के भत्काउने ? सहकार्य गरेको हो नि ।'
