काठमाडाैं । राष्ट्रपति विद्यादेवी भण्डारीले नेपालकाे संविधान कार्यान्वयनकाे सात वर्षकाे अभ्यास र अनुभव महत्वपूर्ण रहेकाे बताउनुभएकाे छ ।
संघीय संसद्का दुवै सदनकाे संयुक्त शुक्रबार बैठकलाई सम्बोधन गर्दै उहाँले संविधान कार्यान्वयन संघीय शासन व्यवस्था सञ्चालन र लाेकतन्त्रकाे व्यवहारिक सुदृढीकरणका लागि हामीले अबलम्बन गरेकाे नीति, निर्माण गरिएका कानुन र प्रक्रियागत सुधारका कारण राजनीतिक स्थायित्व कायम भएकाे बताउनुभयाे ।
राष्ट्रपति भण्डारीले संविधाकाे कार्यान्वयनबाट संघीय लोकतन्त्रको आधारस्तम्भ स्थापित भएको बताउनुभयाे । वर्तमान सरकार गठन भएपछि सरकारले नीतिगत प्राथमिकता र न्यूनतम कार्यक्रम अघि सार्नु सकारात्मक भएकाे उहाँले बताउनुभयाे । राष्ट्रपति भण्डारीले ती नीति तथा कार्यक्रम समयबद्ध कार्ययोजना बनाएर नतिजा प्राप्त हुने गरी तत्कालै कार्यान्वयनमा लैजाने विश्वास व्यक्त गर्नुभयो ।
उहाँले सरकारको नीतिगत प्राथमिकता र न्यूनतम कार्यक्रम, सरकारले अघि सार्ने नीति तथा कार्यक्रम, बजेट एवं नागरिकको समृद्धि र विकासप्रतिको आकांक्षा पूरा गर्न तीनै तहका सरकारका सबै संयन्त्र प्रतिबद्ध भएर लाग्ने विश्वास व्यक्त गर्नुभयाे ।
राष्ट्रपति भण्डारीले नागरिककाे घरदैलाेमै सरकार छ भन्ने अनुभूत गर्न सक्नेगरी सेवा प्रवाहकाे व्यवस्था मिलाउनुपर्ने बताउनुभयाे । सुशासनको प्रत्याभूत गर्न र आम नागरिकमा राज्यको अनुभूति दिलाउन सार्वजनिक सेवा प्रवाह चुस्तदुरुस्त हुनुपर्ने बताउनुभयाे ।
उहाँले भन्नुभयाे - 'सरकारी संयन्त्रकाे सेवा प्रवाहमा हुने ढिलासुस्ती र अनियमतितता हटाउन नसकिएमा हामीले मुलुकमा सुशासन छ भनेर दाबी गर्नु निरर्थक हुन्छ,त्यसैले नागरिककाे घरदैलाेमै सरकार छ भन्ने अनुभूत गर्न सक्नेगरी सेवा प्रवाहकाे व्यवस्था व्यवस्था मिलाउनुपर्दछ ।'
यस्ताे छ सम्बाेधनकाे पूर्णपाठ:
