काठमाडाैं । बलात्कार आरोप लागेका क्रिकेटर सन्दीप लामिछानेलाई विश्वकप क्रिकेट लिग-२ खेलाइएकाे विषयमा प्रतिनिधि सभामा प्रश्न उठेकाे छ ।
बुधबार बसेकाे प्रतिनिधि सभा बैठककाे शून्य समयमा बाेल्दै राष्ट्रिय स्वतन्त्र पार्टी (रास्वपा) की सांसद् सुमना श्रेष्ठले कुन नैतिकताले बलात्कार आराेपी सन्दीपलाई राष्ट्रको प्रतिनिधित्व गर्न दिइयो भन्दै प्रश्न उठाउनुभएकाे हाे ।
न्यायापालिकाकाे काम चुस्तदुरुस्त, पारदर्शी र सबैकाे पहुँचमा हुनुपर्ने भन्दै उहाँले त्यसाे नहुँदा समाज कानुनी मुद्दामा पनि विभाजन हुन थालेकाे बताउनुभयाे । 'सन्दीप लामिछानेको मुद्दा हेरौं, कहिलेसम्म छिनोफानो गर्छौं ? यतिका समय लाग्ने हो भने आरोपितको नाम सार्वजनिक किन गरियो ? राष्ट्रको प्रतिनिधित्व भएको व्यक्तिको यति ठूलो मुद्दालाई सामान्य बनाउन मिल्ला ? एउटा बलात्कार आराेपीलाई राष्ट्रकाे प्रतिनिधि बनाउन हाम्राे नैतिकताले कसरी दियाे ?'- श्रेष्ठकाे प्रश्न छ ।
आराेप लागेकाे व्यक्तिले राष्ट्रकाे प्रतिनिधित्व गर्दा पीडितकाे अवस्था कस्ताे हाेला भन्ने प्रश्न उठाउँदै उहाँले भन्नुभयाे - 'आरोप लगाएको व्यक्तिले राष्ट्रलाई प्रतिनिधित्व गर्दा पीडितको मानसिक अवस्था कस्तो होला ? यो घटनाको कारण पीडितलाई झनै ठूलो मानसिक पीडा दिएकाे छ ।
सांसद् श्रेष्ठले जनगणना सम्बन्धी प्रतिवेदन सार्वजनिक गर्न पनि माग गर्नुभयाे । उहाँले भन्नुभयाे - 'जनगणना सकिएकाे महिनाैं भइसक्दा पनि त्यसकाे प्रतिवेदन आएकाे छैन, तथ्यांक नै नभइ के आधारमा नीति निर्माण गर्ने ?'
