काठमाडाैं । प्रधानमन्त्री पुष्पकमल दाहाल प्रचण्डले सबै दलका सांसद्ले आफूलाई विश्वासकाे मत दिने बताउनुभएकाे छ ।
नयाँ बानेश्वरस्थित संघीय संसद् भवन परिसरमा आइतबार सञ्चारकर्मीसँग कुरा गर्दै प्रधानमन्त्री प्रचण्डले शतप्रतिशत सांसद्काे विश्वासको मत आफूले पाउने दाबी गर्नुभयाे ।
यसअघि आफुले विश्वासको मतमा ९९ दशमवल २५ प्रतिशत आशा गरेपनि अहिले शतप्रतिशत सांसद्को विश्वासको मत पाउने अवस्था बनेको उहाँले बताउनुभयो ।
सोमबार दिउँसाे १ बजे बस्ने प्रतिनिधि सभा बैठकमा प्रधानमन्त्री प्रचण्डले विश्वासको मत लिँदै हुनुहुन्छ । नेकपा एमाले र राप्रपाले समर्थन फिर्ता लिएपछि प्रधानमन्त्रीले विश्वासकाे मत लिन लाग्नुभएकाे हाे ।
