काठमाडाैं । प्रतिनिधि सभाकाे बैठक आज बस्दैछ ।
संघीय संसद् भवन नयाँ बानेश्वरमा दिउँसाे १ बजे बस्ने प्रतिनिधि सभा बैठकमा प्रधानमन्त्री पुष्पकमल दाहाल प्रचण्डले विश्वासकाे मत लिनुहुने कार्यसूची छ ।
नेकपा एमाले र राष्ट्रिय प्रजातन्त्र पार्टी (राप्रपा) ले सरकारलाई दिएकाे समर्थन फिर्ता लिएपछि प्रधानमन्त्री प्रचण्डले विश्वासको मत लिन लाग्नुभएकाे हाे ।
संविधानको धारा १०० (२) मा प्रधानमन्त्रीले प्रतिनिधित्व गर्ने दल विभाजित भएमा वा सरकारमा सहभागी दलले आफ्नो समर्थन फिर्ता लिएमा ३० दिनभित्र प्रधानमन्त्रीले विश्वासको मतका लागि प्रतिनिधि सभासमक्ष प्रस्ताव पेस गर्नुपर्ने उल्लेख छ । यसअघि पुस १० गते प्रधानमन्त्री नियुक्त हुनुभएका प्रचण्डले पुस २६ गते प्रतिनिधि सभामा विश्वासकाे मत लिनुभएकाे थियाे ।
प्रधानमन्त्री प्रचण्डलाई १० दलीय गठबन्धनसँगै राष्ट्रिय स्वतन्त्र पार्टी (रास्वपा) ले पनि विश्वासकाे मत दिने घाेषणा गरिसकेकाे छ । गठबन्धनमा माओवादी केन्द्रसहित नेपाली कांग्रेस, एकीकृत समाजवादी, जनता समाजवादी पार्टी (जसपा), नागरिक उन्मुक्ति पार्टी, जनमत पार्टी, लोकतान्त्रिक समाजवादी पार्टी (लाेसपा), राष्ट्रिय जनमोर्चा, आम जनता पार्टी छन् । स्वतन्त्र सांसद अमरेश सिंहले पनि प्रचण्डलाई विश्वासकाे मत दिनुहुनेछ ।
