काठमाडौं । काठमाडौं नेकपा एमालेका उपाध्यक्ष विष्णु पौडेलले प्रधानमन्त्री पुष्पकमल दाहाल प्रचण्डलाई इतिहासले प्रश्न गरिरहने बताउनुभएको छ ।
सोमबार बसेको प्रतिनिधि सभा बैठकमा प्रधानमन्त्री पुष्पकमल दाहाल प्रचण्डले पेस गर्नुभएको विश्वासको मतसम्बन्धी प्रस्तावमाथिको छलफलमा भाग लिँदै उपाध्यक्ष पौडेलले एमालेसँगको सहमति तोडेर पुरानै गठबन्धनमा फर्किनुपर्नाका कारणबारे प्रचण्डले जवाफ दिनैपर्ने बताउनुभयो ।
प्रचण्डले जवाफ नदिँदासम्म इतिहासले उहाँलाई प्रश्न गरिरहने र एक दिन जवाफ दिनैपर्ने उहाँले बताउनुभयो । उहाँले भन्नुभयो - 'इतिहासले यो प्रश्न निरन्तर दोहोर्याएर सोध्नेछ, जबसम्म तपाइँले जवाफ दिनुहुन्न तबसम्म सोधिनैरहनेछ, प्रधानमन्त्री बन्नका लागि तपाइँले जुन सहमति गर्नुभएको थियो, के त्यस्तो परिस्थिति सृजना भयो कि, त्यो सहमतिबाट पछि हटेर यो सहयात्रा आरम्भ गर्दै हुनुहुन्छ रु यो सहयात्रामा जानु थियो भने १० गते तपाइँ बालुवाटारबाट निस्केर किन बालकोट जानुभयो तपाइँलाई इतिहासले सोध्छ, बालकोटको समर्थनमा किन प्रधानमन्त्री बन्नुभयो, २ महिना नबित्दै फेरि पुरानो समीकरणमा फर्किनुभयो इतिहासले तपाइँलाई यो प्रश्न सोधिरहन्छ, यसको जवाफ नदिइ तपाइँलाई सुखै छैन ।'
उपाध्यक्ष पाैडेलले सहमति ताेड्नुपर्ने कारणकाे जवाफ नदिइ प्रचण्ड उम्कन नसक्ने बताउनुभयाे । उहाँले भन्नुभयाे -'के त्यस्ताे कारण पर्याे, जुन कारणले तपाइँ त्याे सहयात्राबाट आज याे यात्रामा फर्किनुभएकाे छ, यदि यही सहयात्रामा जानु थियाे भने पुस १० गते तपाइँ त्याे प्रकारकाे सहमतिमा पुग्नुभयाे ? आज तपाइँले जवाफ दिनुस् नदिनुस्, आज जवाफ नदिन सक्नुहुनेछ स्किप गर्न सक्नुहुनेछ, तर इतिहासले निरन्तर निरन्तर प्रश्न साेधिरहनेछ, एउटा विन्दुमा याे प्रश्नकाे जवाफ दिनुपर्नेछ ।'
उपाध्यक्ष पाैडेलले प्रधानमन्त्री बन्न एमाले चाहिने र प्रधानमन्त्री बनेकै भोलिपल्ट एमालेलाई वाइपास गर्ने नीति प्रधामन्त्री प्रचण्डले लिएको बताउनुभयो । उहाँले भन्नुभयाे - 'हिजाे तपाइँलाई सरकारकाे नेतृत्व गर्नका निम्ति, प्रधानमन्त्री बन्नका निम्ति एमाले चाहिने, एमाले लगायतका दल चाहिने, प्रधानमन्त्रीकाे जिम्मेवारी प्राप्त गर्नासाथ दूरी कायम गर्दै पुरानै गठबन्धनमा फर्किन चाहानुहुन्थ्याे भन्ने घटनाक्रमले पुष्टि गरेकाे छ, यदि याे सहयात्रमा फर्किनुथियाे भने, पुस १० गते तपाइँ त्याे सहयात्रका निम्ति किन सहमत हुनुभयाे ? यसकाे जवाफ इतिहासमा तपाइँले दिनैपर्ने स्थिति आउँछ ।'
चुनावी परिणामअनुसार एमाले प्रतिपक्षमा बस्न तयार रहेकै बेला गठबन्धनले सरकार बनाउन नसकेकाे र प्रधानमन्त्री बनाउन सहयाेग पाउँ भन्दै पाैडेलले प्रचण्डले सहयाेग मागेपछि एमालेले सरकार गठनकाे पहलकदमी लिएकाे बताउनुभयाे ।
एमाले बिनाको राष्ट्रिय सहमतिको कुरा गरेको भए त्यसको सख्त विरोधमा एमाले रहेको भन्दै उहाFले जनता र मुलुकले त्यस्तो राष्ट्रिय सहमति नचाहेको बताउनुभयाे । प्रधानमन्त्री प्रचण्डबाट राष्ट्रिय सहमति नभइ देशलाई द्वन्द्वतर्फ र सम्बन्धलाई कटुतापूर्ण र शत्रुतापूर्ण दिशातर्फ लग्ने प्रयास भइरहेको उपाध्यक्ष पाैडेलले बताउनुभयाे ।
उहाँले सहमति ताेड्ने प्रचण्डले राष्ट्रिय सहमतिकाे कुरा गरिरहेकाे बताउनुभयाे । एमालेबिना गर्न खाेजिएकाे राष्ट्रिय सहमतिले देशलाई द्वन्द्वतिर धकेल्ने समेत उपाध्यक्ष पाैडेलले बताउनुभयाे । उहाँले भन्नुभयाे - 'सहमतिको विरोध गर्ने, सहयात्राको विरोध गर्ने, सहयात्रीहरुलाई घाेक्याएर निकाल्ने अनि राष्ट्रिय सहमतिको कुरा गर्ने ? प्रधानमन्त्रीले खोज्नुभएको राष्ट्रिय सहमति कस्तो सहमति हो ?'
प्रधानमन्त्री प्रचण्डले पटक पटक राष्ट्रिय सहमति भनेपनि एमालेबिनाको राष्ट्रिय सहमति हुन नसक्ने बताउँदै उहाँले भन्नुभयाे - 'एमालेलाई किनारा लगाउने, एक्ल्याउने, एमाले विरुद्ध प्रहार गर्ने, प्रधानमन्त्री बन्न एमालेको समर्थन लिने, प्रधानमन्त्री बनेकाे भाेलिपल्ट कटुता र शत्रुताकाे सम्बन्ध परिभाषित गर्ने जुन काम भएकाे छ याे राष्ट्रिय सहमतिका लागि हाेइन ।'
