काठमाडाैं । राष्ट्रिय स्वतन्त्र पार्टी (रास्वपा) का सांसद् विराजभक्त श्रेष्ठले सदनमा प्रधानमन्त्री र मन्त्रीहरु उपस्थित नभएकाे भन्दै आपत्ति जनाउनुभएकाे छ ।
बुधबार बसेकाे प्रतिनिधि सभा बैठकमा बाेल्दै उहाँले भन्नुभयाे - 'सदनमा त सरकार देखिन गाह्रो छ, गाउँ-गाउँमा कहिले देखिने हाे थाहा छैन ।'
राज्यले उपत्यकाको संस्कृति, सम्पदा, धर्म, सभ्यता मास्न लागेको उहाँले बताउनुभयाे । पाँच अरे जात्राको दिन काठमाडौंको बत्ती नै सुनियोजित ढंगले काटिएकाे सांसद् श्रेष्ठले आराेप लगाउनुभयाे । जात्रा भएका बेला अप्रिय घटना हुने जाेखिम हुने भन्दै उहाँले त्यस दिन किन बत्ती काटियाे भनेर जवाफ दिन सरकारकाे ध्यानाकर्षण गराउनुभयाे ।
राज्यले जात्राहरुकाे संरक्षणमा ध्यान नदिएकाे भन्दै बताउँदै श्रेष्ठले प्रश्न गर्नुभयाे - 'राज्यले जहाँपनि भ्रमण वर्ष र पर्यटन वर्ष भनेर यही जात्राकाे फाेटाे राख्ने, तर याे जात्रा संरक्षण गर्न राज्य जहिलेपनि उदासिन हुने याे गर्न खाेजेकाे के ? मान्छेहरुले आफ्नाे खेतबारी बेचेरजात्रा बचाउने तर राज्यले त्यही देखाएर डलर कमाउने ?'
उपत्यकाका जात्रा र पर्वमा राज्यले सुनियाेजित रुपमा आक्रमण गरिरहेकाे भन्दै उहाँले गुठी विधेयकमा जस्तै शान्तिपूर्ण आन्दाेलन गर्न सक्ने अवस्था आउने चेतावनी पनि दिनुभयाे ।
