सरकारको न्यूनतम साझा कार्यक्रमले भोलिसम्ममा अन्तिम रुप पाउँछ : रमेश लेखक

काठमाडाैं । नेपाली कांग्रेसका प्रमुख सचेतक रमेश लेखकले सरकारकाे न्यूनतम साझा कार्यक्रमकाे मस्याैदालाई अन्तिम रुप दिने काम भइरहेकाे बताउनुभएकाे छ ।

संघीय संसद् भवन परिसर नयाँ बानेश्वरमा बुधबार सञ्चारकर्मीसँग कुरा गर्दै प्रमुख सचेतक रमेश लेखकले सरकारको न्यूनतम साझा कार्यक्रमले भाेलिसम्ममा अन्तिम रुप पाउने बताउनुभयाे ।

साझा कार्यक्रमकाे मस्याैदा तयार भइसकेकाे र गठबन्धन दलसँग पुगिसकेकाे भन्दै उहाँले त्यसमा छलफल गरेर पूर्णता दिइने बताउनुभयाे । नयाँ मन्त्रीहरुकाे शपथ पनि चाँडै नै हुने दाबी समेत लेखकले गर्नुभयाे ।

गठबन्धन दलबीच भागबण्डा नमिल्दा मन्त्रिपरिषद्ले पूर्णता पाउन सकेकाे छैन । भागबण्डा मिलाउन आज मात्रै गठबन्धनकाे बैठक २ पटक बसेकाे छ ।