काठमाडौं । राष्ट्रिय सभा सदस्य मायाप्रसाद शर्माले मिटरब्याजीहरुलाई प्रोत्साहित नगर्न सरकारकाे ध्यानाकर्षण गराउनुभएकाे छ ।
बिहीबार बसेकाे राष्ट्रिय सभा बैठकको विशेष समयमा बोल्दै सांसद् शर्माले मिटरब्याजीहरु कानुन बनाएर नियन्त्रण गर्नुपर्ने बताउनुभयाे । मिटब्याजीबाट पीडितहरु अहिले आन्दाेलित भइरहेका भन्दै उहाँले मिटरब्याजीहरुलाई कानुन बनाएर नियन्त्रण गर्नुपर्ने बताउन
मिटरब्याजी प्रणालीबाट गरिब जनता प्रभावित भएका भन्दै सांसद् शर्माले यसले आर्थिक प्रणाली उल्टयाउने खतरा रहेकाे बताउनुभयाे । उहाँले भन्नुभयाे - 'यसलाई कानुन बनाएर कानुनसम्मत् ढंगले नियन्त्रण गर्नुपर्छ, यो प्रणाली यो प्रक्रियालाई अगाडि बढ्न नदिन र यसलाई प्रोत्साहित नगर्नका निमित्त म नेपाल सरकारसँग विनम्रतापूर्वक आग्रह गर्न चाहन्छु ।'
सांसद् शर्माले नेपाल राष्ट्रिय पुस्तकालयकाे संरक्षणमा ध्यान दिन पनि सरकारकाे ध्यानाकर्षण गराउनुभयाे । नेपाल राष्ट्रिय पुस्तकालयमा रहेका कैयाैं महत्वपूर्ण दस्तावेज र पुस्तकमा धमिरा लागेको भन्दै उहाँले तिनकाे हेरविचार गर्नुपर्ने बताउनुभयाे । ०७२ काे भूकम्पले भत्केकाे राष्ट्रिय पुस्तकालय पुर्ननिर्माण नगरिएकाे र अहिले सानाेठिमीमा रहेकाे पुस्तकालयमा रहेका १ लाख ५० हजार बढी पुस्तकहरु अलपत्र परेकाे शर्माले बताउनुभयाे । पुस्तकालय स्थायी रुपले व्यवस्थापन गर्न पनि उहाँले सरकारको ध्यानाकर्षण गराउनुभयाे ।
