काठमाडाैं । नेकपा एमालेका सांसद् दामाेदर पाैडेल वैरागीले त्रिभुवन विश्वविद्यालयका पदाधिकारीमाथि भाैतिक आक्रमण गर्नेहरुलाई कारबाही गर्न सरकारसँग माग गर्नुभएकाे छ ।
आइतबार बसेकाे प्रतिनिधि सभा बैठककाे शून्य समयमा बाेल्दै सांसद् पाैडेलले स्ववियु चुनावकाे प्रक्रिया सुरु थाल्न छलफलमा बसेका त्रिविका पदाधिकारीमाथि अपशब्द बाेल्ने र भाैतिक आक्रमण गर्ने समूहलाई किन कारबाही नगरेकाे भन्दै प्रश्न उठाउनुभयाे ।
साे घटनाकाे निन्दा गर्दै उहाँले भन्नुभयाे - 'देशभर स्थगित रहेका स्ववियु चुनाव गर्नका लागि त्रिभुवन विश्वविद्यालय अन्तर्गत बसेकाे बैठकमा अनधिकृत रुपमा सरकारमा सामेल दलकै नेता गएर अपशब्द बाेल्ने र भाैतिक आक्रमण गर्ने काम भएकाे छ, त्यसकाे म घाेर निन्दा गर्दछु, याे सरकारले के हेरिरहेकाे छ ? त्यस्ता विद्यार्थीलाई कारबाही गर्नुपर्दैन ? के स्ववियु चुनाव अनिवार्य हाेइन ।'
एकीकृत समाजवादी निकट अनेरास्ववियुका अध्यक्ष सुदेश पराजुलीकाे समूहले त्रिवि विद्यार्थी कल्याण तथा खेलकुद निर्देशनालय निर्देशक एवं निर्वाचन समन्वय समितिका सदस्य सचिव प्राध्यापक पशुपति अधिकारीमाथि आक्रमण गरेकाे थियाे । चैत १५ गते नेविसंघ, अनेरास्ववियु र अनेरास्ववियु क्रान्तिकारीकाे नेतृत्वसँग त्रिविका उपकुलपति प्रा.डा. धर्मकान्त बास्काेटा शिक्षाध्यक्ष प्रा.डा.भुसाल एवं विद्यार्थी कल्याण तथा खेलकुद निर्देशनालय निर्देशक एवं निर्वाचन समन्वय समितिका सदस्य सचिव प्राध्यापकसँग स्ववियु चुनावबारे छलफल भइरहेका बेला सुदेशकाे समूहले आक्रमण गरेकाे थियाे ।
अन्नपूर्ण संरक्षण क्षेत्र आयाेजना नविकरण नरहेकाे भन्दै सांसद् पाैडेलले त्यसकाे नविकरण पक्रिया तत्काल थाल्न पनि सरकारकाे ध्यानाकर्षण गराउनुभयाे ।
