काठमाडाैं । राष्ट्रिय सभाबाट दुई वटा विधेयक पारित भएका छन् ।
मंगलबार बसेकाे राष्ट्रिय सभा बैठकले सार्वजनिक सेवा प्रसारण विधेयक, २०७७ र सुरक्षण मुद्रण सम्बन्धी विधेयक, २०७७ लाई सर्वसम्मतिले पारित गरेको हो ।
बैठकमा सञ्चार तथा सूचना प्रविधिमन्त्री रेखा शर्माको तर्फबाट कृषि तथा पशुपन्छी विकासमन्त्री डा. वेदुराम भुसालले ती विधेयक पारित गरियोस् भन्ने प्रस्ताव प्रस्तुत गर्नुभएकाे थियो ।
राष्ट्रिय सभा अध्यक्ष गणेशप्रसाद तिमिल्सिनाले ती विधेयक निर्णयार्थ पेस गर्दै सर्वसम्मतिले पारित भएकाे घाेषणा गर्नुभयाे । राष्ट्रिय सभामा उत्पत्ति भएका यी दुवै विधेयक अब प्रतिनिधि सभामा पठाइनेछ ।
राष्ट्रिय सभाको अर्को बैठक चैत २७ गते बस्नेछ ।
