काठमाडौं । नेकपा एमालेका सचेतक महेश बर्तौलाले सरकारकाे निर्देशनमा स्वतन्त्र विद्यार्थी युनियन (स्ववियु) काे चुनाव राेक्ने काम भएकाे बताउनुभएकाे छ ।
शुक्रबार बसेकाे प्रतिनिधि सभा बैठककाे आकस्मिक समयमा बाेल्दै बर्ताैलाले उच्च अदालत पाटनको आदेश बमाेजिम अस्कल क्याम्पसमा आज चुनाव हुनुपर्ने भएपनि हुन नसकेकाे बताउनुभयाे । चैत ५ गते चुनाव हुन नसकेपछि त्यसविरुद्ध परेकाे मुद्दामा उच्च अदालत पाटनले अस्कल लगायत ४ क्याम्पसमा तत्काल चुनाव गर्न आदेश दिएकाे उहाँले स्मरण गर्नुभयाे ।
तर सरकारले सत्ताकाे दुरुपयाेग गर्दै प्रधानमन्त्री पुष्पकमल दाहाल प्रचण्डकाे आदेशमा अस्कल लगायत क्याम्पसमा चुनाव राेकिएकाे सचेतक बर्ताैलाले बताउनुभयाे । उहाँले भन्नुभयाे - 'अदालतकाे आदेश बमाेजिम आज अस्कलमा स्ववियु चुनाव हुन्थ्याे, तर सरकारको निर्देशनमा प्रधानमन्त्री स्वयं विश्वविद्यालको कुलपति हुनुहुन्छ उहाँको निर्देशनमा गृहमन्त्रीले भ्यालीभरका सुरक्षाकर्मीलाई अस्कल क्याम्पसमा पठाएर चुनाव स्थगित गर्ने काम गरियो, अनिश्चितकालीन रुपमा चुनाव स्थगित गरिएकाे सूचना टाँस गरियाे ।'
भ्यालीभरका सुरक्षाकर्मी र सिंगाे सरकारकाे तागत प्रयाेग गरेर स्ववियु चुनाव हुनबाट राेकिएकाे भन्दै सचेतक बर्ताैलाले कडा आपत्ति जनाउनुभयाे । अदालतकाे आदेश अनुसार भाेलि पाटनमा हुने स्ववियु चुनाव पनि सरकारले राेक्न खाेजेकाे भन्दै उहाँले चुनावमा शान्ति सुरक्षा कायम गर्नुकाे सट्टा आफू निकट विद्यार्थी संगठनले हार्छन् भन्ने त्रासले सरकारले स्ववियु चुनाव भाँड्दै, प्रहरी परिचालन गर्दै हिँडिरहेकाे बताउनुभयाे ।
स्ववियु चुनावकाे गरिमालाई समाप्त पार्न खाेजेकाे बर्ताैलाले बताउनुभयाे ।
