काठमाडाैं । प्रतिनिधि सभाकाे बैठक आज बस्दैछ ।
संघीय संसद् भवन नयाँ बानेश्वरमा दिउँसाे १ बजे बस्ने बैठकका लागि २ वटा सम्भावित कार्यसूची तय गरिएकाे जनाएकाे छ ।
बैठकमा प्रधानमन्त्री पुष्पकमल दाहाल प्रचण्डले 'महान्यायाधिवक्ताको वार्षिक प्रतिवेदन, आर्थिक वर्ष २०७८-७९' पेस गर्नुहुने कार्यसूची रहेकाे संसद् सचिवालयले जनाएकाे छ ।
बैठकमा सञ्चार तथा सूचना प्रविधि मन्त्री श्री रेखा शर्माले 'राष्ट्रिय सभाबाट सन्देश सहित प्राप्त सार्वजनिक सेवा प्रशारण विधेयक, २०७८' माथि विचार गरियोस्' भनी प्रस्ताव प्रस्तुत गर्नुहुनेछ ।
